പിൻവാതിൽ നിയമനമെന്ന്​

കൂറ്റനാട്: വാട്ടർ അതോറിറ്റിയുടെ തൃത്താല സെക്​ഷനിലെ ഒഴിവുകളിലേക്ക് പിൻവാതിൽ നിയമനം നടത്തുന്നതായി ആക്ഷേപം. പമ്പ് ഓപറേറ്റർ, മീറ്റർ റീഡർ, വാൽവ് ഓപറേറ്റർ, വാച്ച്മാൻ, ക്ലീനർ എന്നീ തസ്തികകളിലേക്കാണ് ദിവസവേതനാടിസ്ഥാനത്തില്‍ നിയമനം നടത്തിയിട്ടുള്ളത്. ഉദ്യോഗസ്ഥരുടെ ബന്ധുക്കൾ, ഭരണകക്ഷിയിലെ പ്രാദേശിക നേതാക്കളുടെ വേണ്ടപ്പെട്ടവർ എന്നിങ്ങനെയുള്ളവർക്കാണ് ജോലിക്ക് അവസരം നൽകിയതെന്നാണ്​ ആരോപണമുയരുന്നത്​. സംഭവത്തിൽ വരുംദിവസങ്ങളിൽ പ്രതിഷേധവുമായി രംഗത്തിറങ്ങുമെന്ന്​ പ്രതിപക്ഷ കക്ഷികൾ പറഞ്ഞു.