വിദ്യാലയങ്ങൾക്കരികെ അപകടക്കുഴികൾ

കൊല്ലങ്കോട്: അന്തർ സംസ്ഥാന റോഡിൽ വിദ്യാലയങ്ങൾക്കു സമീപം രൂപപ്പെട്ട കുഴികളിൽ വാഹനങ്ങൾ അപകടത്തിൽപെടുന്നത്​ പതിവാകുന്നു. യോഗിനിമാത ഗേൾസ് ഹൈസ്കൂൾ, ബി.എസ്.എസ് ഹയർ സെക്കൻഡറി സ്കൂൾ എന്നിവക്ക്​ സമീപമുള്ള കുഴികളിൽ തട്ടി സൈക്കിളിൽ വരുന്ന വിദ്യാർഥികൾ വീണ സംഭവങ്ങളുമുണ്ടായിരുന്നു. കഴിഞ്ഞ ദിവസം കുഴിയിൽ അകപ്പെടാതിരിക്കാൻ സൈക്കിൾ തിരിച്ച വിദ്യാർഥിക്ക്​ ബൈക്കിടിച്ച് പരിക്കേറ്റിരുന്നു. ചെറുതും വലുതുമായ 13 കുഴികളാണ് ഇവിടെയുള്ളത്. രണ്ട് വിദ്യാലയങ്ങളിലെയും പി.ടി.എ ഭാരവാഹികൾ പൊതുമരാമത്ത്​ വകുപ്പിന്​ പരാതി നൽകിയിട്ടും നടപടിയുണ്ടായിട്ടില്ല. PEW-KLGD മംഗലം-ഗോവിന്ദാപുരം റോഡിൽ യോഗിനിമാത ഗേൾസ് ഹൈസ്കൂളിന്​ സമീപ​െത്ത കുഴി