പ്രതിഷേധ സംഗമം സംഘടിപ്പിക്കും

പട്ടാമ്പി: വഖ്‌ഫ് ബോർഡ്‌ നിയമനം പി.എസ്.സിക്ക് വിട്ടതിനെതിരെ 30ന് പട്ടാമ്പിയിൽ റാലി നടത്താനും താലൂക്ക്​ ഓഫിസ് പരിസരത്ത് പ്രതിഷേധ സംഗമം സംഘടിപ്പിക്കാനും നിയോജക മണ്ഡലം മുസ്​ലിം ലീഗ് കമ്മിറ്റി തീരുമാനിച്ചു. കെ.പി. വാപ്പുട്ടി അധ്യക്ഷത വഹിച്ചു. കർഷക സമരത്തിന് ഐക്യദാർഢ്യം പട്ടാമ്പി: കർഷക സമരത്തിന് ഐക്യദാർഢ്യം പ്രഖ്യാപിച്ച് ഇടതുസംയുക്ത കർഷക സമിതി പട്ടാമ്പി സബ് പോസ്​റ്റ്​ ഓഫിസ്​ മാർച്ചും ധർണയും സംഘടിപ്പിച്ചു. മേലെ പട്ടാമ്പിയിൽനിന്ന്​ ആരംഭിച്ച മാർച്ച് സബ് പോസ്​റ്റ്​ ഓഫിസിനുമുന്നിൽ സമാപിച്ചു. തുടർന്നു നടന്ന ധർണ മുഹമ്മദ് മുഹ്​സിൻ എം.എൽ.എ ഉദ്ഘാടനം ചെയ്തു. കർഷക സംഘം ഏരിയ പ്രസിഡൻറ് പി.എം. വാസുദേവൻ അധ്യക്ഷനായി. കർഷക സംഘടന നേതാക്കളായ എം. ശങ്കരൻ കുട്ടി, എം.എൻ. കരുണാകരൻ, സി.എം. നീലകണ്ഠൻ, പി. സുന്ദരൻ, എം.ആർ. ജയശങ്കർ എന്നിവർ സംസാരിച്ചു. സെക്കുലര്‍ ഫുഡ് ഫെസ്​റ്റ്​ പട്ടാമ്പി: എ.ഐ.വൈ.എഫ് പട്ടാമ്പി മണ്ഡലം കമ്മിറ്റിയുടെ നേതൃത്വത്തിൽ 'ഭക്ഷണത്തിന് പക്ഷമില്ല' മുദ്രാവാക്യമുയർത്തി സെക്കുലര്‍ ഫുഡ് ഫെസ്​റ്റ്​ സംഘടിപ്പിച്ചു. സംസ്ഥാന കമ്മിറ്റി അംഗം ലീന ടീച്ചർ ഉദ്ഘാടനം ചെയ്തു. മണ്ഡലം സെക്രട്ടറി സജിത് ശ്രീധരൻ അധ്യക്ഷത വഹിച്ചു. ജോ. സെക്രട്ടറി സിറാജ് സ്വാഗതം പറഞ്ഞു. ബിജു സംസാരിച്ചു.