പുനർജന്മം കാത്ത്​ നെല്ലിയാമ്പതിയിലെ റോഡുകൾ

നെല്ലിയാമ്പതി: 2018ലെയും 2019ലെയും പ്രളയത്തിൽ തകർന്ന നെല്ലിയാമ്പതിയിലെ റോഡുകൾ ഇനിയും പുനർനിർമിച്ചിട്ടില്ല. ചന്ദ്രാമല-കൊട്ടയങ്ങാട് റോഡ്, ആനമട റോഡ്, പോത്തുപാറ റോഡ് തുടങ്ങിയവയാണ്​ തകർന്നുകിടക്കുന്നത്​. പോത്തുണ്ടി- നെല്ലിയാമ്പതി റോഡി​ൻെറ ചെറുനെല്ലി, മരപ്പാലം ഭാഗങ്ങളിൽ വശം ഇടിഞ്ഞ നിലയിലാണ്​. ഇത്തവണത്തെ കാലവർഷത്തിൽ വലിയ നാശനഷ്​ടങ്ങളൊന്നും മേഖലയിൽ ഉണ്ടായിട്ടില്ലെങ്കിലും തകർന്നുകിടക്കുന്ന റോഡുകൾ യാത്രദുരിതം വർധിപ്പിക്കുകയാണ്​. കോവിഡ് നിയന്ത്രണങ്ങളുടെ ഭാഗമായുള്ള അടച്ചുപൂട്ടലിൽ ഈ റോഡുകളുടെ അറ്റകുറ്റപ്പണിയും മുടങ്ങിയിരുന്നു. റോഡുകൾ എത്രയും വേഗം സഞ്ചാരയോഗ്യമാക്കണമെന്ന്​ ആവശ്യപ്പെട്ട്​ നാട്ടുകാർ പഞ്ചായത്ത്​ അധികൃതർക്ക് പരാതി നൽകി.