കുലുക്കല്ലൂർ റെയിൽവേ സ്​റ്റേഷൻ റോഡ് നിർമാണം: ജനകീയ സമിതി രൂപവത്കരിച്ചു

പട്ടാമ്പി: കുലുക്കല്ലൂർ റെയിൽവേ ഗേറ്റിൽ നിന്ന്​ സ്​റ്റേഷനിലേക്ക് അപ്രോച്ച് റോഡ് നിർമിക്കണമെന്ന ആവശ്യവുമായി ജനകീയ സമിതി രൂപവത്കരിച്ചു. റെയിൽവേയുടെ അധീനതയിലുള്ള സ്ഥലത്തിലൂടെ നിർമിക്കേണ്ട റോഡിന്​ റെയിൽവേയുടെ അനുമതി വേണം. ഇതിനു വേണ്ടി ഗ്രാമപഞ്ചായത്ത് പ്രസിഡൻറ്​ വി. രമണിയുടെ അധ്യക്ഷതയിൽ കുലുക്കല്ലൂർ എ.യു.പി സ്കൂളിൽ വിളിച്ചു ചേർത്ത യോഗത്തിലാണ്​ ജനകീയ സമിതി രൂപവത്കരിച്ചത്. ഗ്രാമപഞ്ചായത്ത് പ്രസിഡൻറ്​ വി. രമണി, ഒ.പി. ഗംഗാധരൻ, ടി.എം. മുസ്തഫ (രക്ഷാധികാരികൾ) അഡ്വ. സി. മോഹൻദാസ് (ചെയർമാൻ), പ്രസാദ് ചെന്ദ്രതൊടി, അനിൽ മാസ്​റ്റർ (വൈസ് ചെയർമാൻ) എം.കെ. ശ്രീകുമാർ (ജനറൽ കൺവീനർ) കുഞ്ഞിമുഹമ്മദ് കാളിമഠം, രോഷ്ണി എസ്. രാജ് (ജോ. സെക്രട്ടറിമാർ) സി. രാജൻ ട്രഷറർ എന്നിവരാണ് ഭാരവാഹികൾ.