വാതിൽപ്പടി സേവനം തുടങ്ങി

പട്ടാമ്പി: ഓങ്ങല്ലൂര്‍ ഗ്രാമപഞ്ചായത്തില്‍ വാതില്‍പ്പടി സേവന പദ്ധതി തുടങ്ങി. ഗുണഭോക്തൃ കാർഡുകൾ നൽകി മുഹമ്മദ്‌ മുഹ്സിന്‍ എം.എൽ.എ ഉദ്​ഘാടനം നിർവഹിച്ചു. ആറാം വാര്‍ഡ്‌ പൊയിലൂരില്‍ ഒയാടിയില്‍ നീലി, വട്ടപ്പറമ്പില്‍ രാധ എന്നിവർക്കാണ്​ ഗുണഭോക്തൃ കാര്‍ഡ് നല്‍കിയത്​. ആദ്യ ഘട്ടത്തില്‍ പദ്ധതി നടപ്പിലാക്കുന്ന 50 തദ്ദേശ സ്ഥാപനങ്ങളിൽ ഒന്നാണ് ഓങ്ങല്ലൂര്‍. ആശ്രയ, സ്നേഹിത, പാലിയേറ്റിവ് പദ്ധതി ഗുണഭോക്താക്കള്‍, ബഡ്സ് സ്കൂള്‍ കുട്ടികളുടെ കുടുംബങ്ങള്‍ എന്നിവര്‍ ഉള്‍പ്പെടുന്ന 528 വീടുകളെയാണ് പദ്ധതിയില്‍ ആദ്യഘട്ടത്തില്‍ ഉള്‍പ്പെടുത്തിയത്. ഓങ്ങല്ലൂര്‍ ഗ്രാമപഞ്ചായത്ത് പ്രസിഡൻറ്​ രതി ഗോപാലകൃഷ്ണന്‍, വൈസ് പ്രസിഡൻറ്​ ടി.പി. രജീഷ്, സ്​റ്റാൻഡിങ്​ കമ്മിറ്റി ചെയര്‍പേഴ്സണ്‍മാരായ ജലജ ശശികുമാര്‍, കെ. പുഷ്പലത, വി. പ്രിയ പ്രശാന്ത്, മറ്റ് വാര്‍ഡ്‌ മെമ്പര്‍മാര്‍, വിവിധ രാഷ്​ട്രീയ പാർട്ടി പ്രതിനിധികള്‍, സന്നദ്ധ പ്രവര്‍ത്തകര്‍ തുടങ്ങിയവര്‍ പങ്കെടുത്തു. മുതുതല പഞ്ചായത്തിലെ വാതിൽപ്പടി സേവനത്തി​ൻെറ പഞ്ചായത്തുതല ഉദ്ഘാടനവും വളണ്ടിയർ കാർഡ് വിതരണവും മുഹമ്മദ് മുഹ്​സിൻ എം.എൽ.എ ഉദ്ഘാടനം ചെയ്തു. പഞ്ചായത്ത് പ്രസിഡൻറ്​ എ. ആനന്ദവല്ലി അധ്യക്ഷത വഹിച്ചു. പഞ്ചായത്തിൽ രജിസ്​റ്റർ ചെയ്ത 319 ഗുണഭോക്താക്കളും 79 വളണ്ടിയേഴ്സുമാണ് ഉള്ളത്. സമൂഹിക സുരക്ഷ പെൻഷൻ, ജീവൻരക്ഷാ മരുന്നുകൾ, ലൈഫ് സർട്ടിഫിക്കറ്റുകൾ, മുഖ്യമന്ത്രിയുടെ ദുരിതാശ്വാസ നിധിയിലേക്കുള്ള അപേക്ഷ ഫോം തയാറാക്കൽ, മസ്​റ്ററിങ്​ എന്നിങ്ങനെ അഞ്ച്​ തരം സേവനങ്ങളാണ് ഓരോ വാർഡിലെയും ഗുണഭോക്താക്കൾക്ക് ലഭ്യമാക്കുക. വൈസ് പ്രസിഡൻറ്​ സി. മുകേഷ്, സ്​റ്റാഡിങ്​ കമ്മിറ്റി ചെയർപേഴ്സൺ ബുഷറ, ബ്ലോക്ക് പഞ്ചായത്തംഗം കെ. ബിന്ദു, പഞ്ചായത്തംഗങ്ങളായ പി.ഡി. സുബീഷ്, ടി. ചന്ദ്രമോഹനൻ, എം. സുബൈദ, പി.വി. സജിത, ആശുപത്രി സൂപ്രണ്ട് ഡോ. രഞ്ജിത്ത്, കില ആർ.പി പി.വി. രാമദാസ്, സെക്രട്ടറി സി.പി. സുരേഷ് എന്നിവർ സംസാരിച്ചു. ഫോട്ടോ: PEWPTB 63 ഓങ്ങല്ലൂരിൽ വാതിൽപ്പടി സേവനം മുഹമ്മദ് മുഹ്സിൻ എം.എൽ എ ഉദ്ഘാടനം ചെയ്യുന്നു