കാസർകോട് സ്വദേശിനി കാമുകനെ തേടി തിരൂരങ്ങാടിയിൽ

തിരൂരങ്ങാടി: ഇൻസ്​റ്റഗ്രാമിലൂടെ പരിചയപ്പെട്ട കാമുകനെ തേടി കാസർകോട് സ്വദേശിനി തിരൂരങ്ങാടിയിൽ. പന്താരങ്ങാടി സ്വദേശിയായ യുവാവുമായി സൗഹൃദത്തിലായതോടെയാണ്​ ഭർതൃമതിയായ യുവതി വിവാഹമോചനം നേടി, കാമുകനെ വിവാഹം കഴിക്കണമെന്ന ആവശ്യവുമായി തിരൂരങ്ങാടിയിൽ എത്തിയത്​. യുവാവിന് ഭാര്യയും മൂന്ന്​ മക്കളുമുണ്ട്. വിവരമറിഞ്ഞ് ബന്ധുക്കളും പിന്നാലെയെത്തി, യുവതിയെ പിന്തിരിപ്പിക്കാൻ ശ്രമിച്ചെങ്കിലും വഴങ്ങിയില്ല. യുവാവിനൊപ്പം ജീവിക്കണമെന്ന നിലപാടിലാണ് യുവതി. സാമ്പത്തികശേഷിയുള്ള യുവതിയിൽ നിന്ന്​ ബിസിനസിനായി ഇയാൾ പണം വാങ്ങിയതായും യുവതിയുടെ ബന്ധുക്കൾ പറയുന്നു. യുവതിയെ പൊലീസ് മഹിള മന്ദിരത്തിലാക്കി.