മഴയിൽ ഫാം ചുറ്റുമതിൽ തകർന്നു

മങ്കര: ശക്തമായ മഴയിൽ വെള്ളം കുത്തിയൊലിച്ചതിനെ തുടർന്ന് പഞ്ചായത്ത്​ അംഗത്തി​ൻെറ ഉടമസ്ഥതയിലുള്ള കൃഷി വിളകളുടെ ഫാമി​ൻെറ സംരക്ഷണ ഭിത്തി ഒലിച്ചുപോയി. മങ്കര ചണ്ടെക്കോടുള്ള മങ്കര പഞ്ചായത്ത് സ്​റ്റാൻഡിങ്​ കമ്മിറ്റി അധ്യക്ഷൻ കെ.വി. രാമചന്ദ്ര​ൻെറ ഉടമസ്ഥതയിലുള്ള ഫാമി​ൻെറ ചുറ്റുമതിലാണ് തകർന്ന് നെൽ വയലിലേക്ക് ഒലിച്ചുപോയത്. 100 മീറ്റർ ദൂരം ചുറ്റുമതിൽ തകർന്നു. പന്നി ശല്യത്തിൽനിന്ന്​ രക്ഷനേടാനായി ലക്ഷങ്ങൾ മുടക്കിയാണ് രണ്ടാൾ ഉയരത്തിൽ ചുറ്റുമതിലും നെറ്റും സ്ഥാപിച്ചത്. ഒരു ലക്ഷത്തോളം രൂപയുടെ നഷ്​ടം സംഭവിച്ചിട്ടുണ്ട്. സംഭവമറിഞ്ഞ് മങ്കര പഞ്ചായത്ത് പ്രസിഡൻറ്​ എം.എൻ. ഗോകുൽദാസ്, വൈസ് പ്രസിഡൻറ്​ വസന്തകുമാരി, സ്​റ്റാൻഡിങ്​ കമ്മിറ്റി ചെയർമാൻ സുരേഷ് എന്നിവർ സ്ഥലം സന്ദർശിച്ചു. കാലവർഷക്കെടുതിയിൽ ഫാമി​ൻെറ ചുറ്റുമതിൽ തകർന്നതിന് നഷ്​ടപരിഹാരം നൽകാൻ കൃഷി വകുപ്പ് നടപടി സ്വീകരിക്കണമെന്ന് പ്രസിഡൻറ്​ എം.എൻ. ഗോകുൽദാസ് ആവശ്യപ്പെട്ടു. PEW PTPL2 - ശക്തമായ മഴയിൽ തകർന്ന കെ.വി. രാമചന്ദ്ര​ൻെറ ഫാമി​ൻെറ ചുറ്റുമതിൽ