സി.എസ്​.ബി സമരം പൂർണം

പാലക്കാട്: സി.എസ്​.ബി സമരത്തെതുടർന്ന്​ രണ്ടാം ദിവസവും ജില്ലയിലെ എല്ലാ ശാഖകളും അടഞ്ഞുകിടന്നു. ജനവിരുദ്ധ ബാങ്കിങ്​ നയങ്ങൾ തിരുത്തുക, അശാസ്ത്രീയമായ തൊഴിൽ പരിഷ്കരണം അവസാനിപ്പിക്കുക, ശിക്ഷാ നടപടികൾ പിൻവലിക്കുക തുടങ്ങിയ ആവശ്യങ്ങളുന്നയിച്ചാണ് സമരം. വിവിധ സംഘടനകളുടെ നേതൃത്വത്തിലാണ് സമരം. ജില്ല കേന്ദ്രത്തിൽ നടന്ന സമരം സി.​െഎ.ടി.യു ഡിവിഷനൽ സെക്രട്ടറി ടി.കെ. നൗഷാദ് ഉദ്ഘാടനം ചെയ്തു. ബെഫി സംസ്ഥാന കമ്മിറ്റിയംഗം പി.വി. ജയദേവ് അധ്യക്ഷത വഹിച്ചു.