ജില്ല ആശുപത്രിയിൽ ഡി.വൈ.എഫ്.ഐ ഭക്ഷണവിതരണം

പട്ടാമ്പി: ഡി.വൈ.എഫ്.ഐ വിളയൂർ മേഖല കമ്മിറ്റി പാലക്കാട് ജില്ല ആശുപത്രിയിൽ ചികിത്സയിൽ കഴിയുന്ന രോഗികൾക്കും കൂട്ടിരിപ്പുകാർക്കും ഭക്ഷണം എത്തിച്ചുനൽകി. ജില്ല കമ്മിറ്റിയുടെ നേതൃത്വത്തിൽ ആരംഭിച്ച വയറെരിയുന്നവരുടെ മിഴി നിറയാതിരിക്കാൻ ഹൃദയപൂർവം കാമ്പയി​ൻെറ ഭാഗമായാണ് വിളയൂർ മേഖലയിലെ വിവിധ വീടുകളിൽ തയാറാക്കിയ ഭക്ഷണപ്പൊതികൾ ആശുപത്രിയിലെത്തിച്ചത്. സി.പി.എം ഏരിയ സൻെറർ അംഗം ടി. ഗോപാലകൃഷ്ണൻ ഫ്ലാഗ് ഓഫ് ചെയ്തു. മേഖല പ്രസിഡൻറ്​ ടി. ഷിബു അധ്യക്ഷത വഹിച്ചു. ജില്ല വൈസ് പ്രസിഡൻറ്​ ടി. ഷാജി, ഗ്രാമപഞ്ചായത്ത് പ്രസിഡൻറ്​ എം.കെ. ബേബി ഗിരിജ, ബ്ലോക്ക് ട്രഷറർ കെ.പി. നൗഫൽ, സി.പി.എം ലോക്കൽ സെക്രട്ടറി വി. ഉമ്മർ എന്നിവർ സംസാരിച്ചു. മേഖല സെക്രട്ടറി പി.വി. ജയപ്രകാശൻ സ്വാഗതവും നവീൻ നന്ദിയും പറഞ്ഞു.