മെഡിക്കൽ കോളജ്​: പ്രതിസന്ധിക്ക്​ താൽക്കാലിക പരിഹാരം, ശമ്പളം നൽകി

പാലക്കാട്​: പട്ടികജാതി വികസന വകുപ്പിന്​ കീഴിലെ പാലക്കാട്​ മെഡിക്കൽ കോളജിലെ ശമ്പള പ്രതിസന്ധിക്ക്​ താൽക്കാലിക പരിഹാരമായി. പ്ലാൻ ഫണ്ടിൽനിന്ന്​ പത്ത്​ കോടി രൂപ അനുവദിച്ചതോടെ മുടങ്ങിക്കിടന്ന നാലു മാസത്തെ ശമ്പളം ചൊവ്വാഴ്​ച നൽകി. ഏപ്രിൽ മുതലുള്ള ശമ്പളമാണ്​ ഫണ്ട്​ പ്രതിസന്ധി മൂലം മുടങ്ങിയത്​. പ്രശ്​നത്തിന്​ ശാശ്വത പരിഹാരം കാണണമെന്നാവശ്യപ്പെട്ട്​ ഡോക്​ടർമാർ ചൊവ്വാഴ്​ച രാവിലെ സൂചന സമരം നടത്തിയിരുന്നു. നടപ്പുസാമ്പത്തിക വർഷത്തേക്ക്​ 68 കോടി രൂപയാണ്​ മാനേജ്​മൻെറ്​ ആവശ്യപ്പെട്ടിരുന്നത്​. ഇതിലേക്കാണ്​ പത്ത്​ കോടി രൂപ നൽകിയത്​. പ്ലാൻ ഫണ്ട്​ പാസായി വരാൻ താമസമെടുക്കുന്നതിനാൽ ശമ്പളം നോൺ പ്ലാൻ ഫണ്ടിലേക്ക്​ മാറ്റണമെന്നാണ്​ മെഡിക്കൽ കോളജ്​ മാനേജ്​മൻെറി​ൻെറ ആവശ്യം. എന്നാൽ, ധനവകുപ്പ്​ ഇൗ ശിപാർശയിൽ തീരുമാനമെടുത്തിട്ടില്ല. ആശുപത്രിയിലെ ജീവനക്കാരുടെ എണ്ണം, തസ്​തിക, സേവന-വേതന വ്യവസ്ഥകൾ തുടങ്ങിയ കൃത്യമായ റിപ്പോർട്ട്​ ലഭിക്കാത്തത്​ മൂലമാണ്​ നോൺ പ്ലാൻ ഫണ്ടി​ൻെറ അക്കൗണ്ടിലേക്ക്​ പണം നൽകാത്തതെന്നാണ്​ ധനകാര്യ വിഭാഗത്തി​ൻെറ വിശദീകരണം. പട്ടികജാതി വികസന വകുപ്പിന്​ കീഴിൽ രൂപവത്​കരിച്ച സൊസൈറ്റിക്ക്​ കീഴിലാണ്​ മെഡിക്കൽ കോളജി​ൻെറ പ്രവർത്തനം.