ഒളിമ്പിക്​സ്​ മെഡലിൽ മുത്തമിടാൻ ശ്രീ

ലോങ്​ജംപിൽ ദേശീയ റെക്കോഡ് ഉടമയും ഏഷ്യയിലെ മികച്ച ആറാമത്തെ ജംപറുമാണ്​ പാലക്കാട്​ യാക്കര സ്വദേശി ശ്രീശങ്കർ പാലക്കാട്​: ലോങ്​ജംപ്​ താരം എം. ശ്രീശങ്കർ, ഒളിമ്പിക്​സ്​ സ്വപ്​നങ്ങളിലേക്ക്​ ചുവടുവെച്ച പാലക്കാടുകാരൻ. പിതാവി​​ൻെറ ശിക്ഷണത്തിൽ ഒളിമ്പിക്സ്​​ േയാഗ്യത മാർക്ക്​ മറികടന്ന ശ്രീശങ്കർ ടോക്യോ ഒളിമ്പിക്സിൽ മെഡലിൽ മുത്തമിടുന്ന സുവർണ നിമിഷങ്ങൾക്ക്​ കാത്തിരിക്കുകയാണ്​ ​കായികലോകം​. കഴിഞ്ഞ മാർച്ചിൽ പട്യാല ഫെഡറേഷൻ കപ്പ്​ സീനിയർ അത്​ലറ്റിക്​സ്​ ചാമ്പ്യൻഷിപ്പിലായിരുന്നു ഒളിമ്പിക്​​സിലേക്കുള്ള ശ്രീശങ്കറി​ൻെറ 8.26 മീറ്റർ എന്ന യോഗ്യത മാർക്ക്​ മറികടന്ന പ്രകടനം. 8.22 മീറ്റർ ആയിരുന്നു ഒളിമ്പിക്​സ്​ യോഗ്യത മാർക്ക്​. അച്​ഛൻ മുരളിയും അമ്മ ബിജിമോളും അത്​ലറ്റിക്​സിൽ ഇന്ത്യയുടെ രാജ്യാന്തര താരങ്ങളായിരുന്നു​. 1989ലെ ഇസ്​ലാമാബാദ്​ സാഫ്​ ഗെയിംസിൽ ട്രിപ്ൾ ജംപിൽ വെള്ളി മെഡൽ ജേതാവായിരുന്നു എസ്​. മുരളി. ബിജിമോൾ 1992ൽ ഡൽഹി ഏഷ്യൻ ജൂനിയർ അത്​ലറ്റിക്​സ്​ ചാമ്പ്യൻഷിപ്പിൽ 800 മീറ്ററിൽ വെള്ളിയും 4X 400 മീറ്റർ റിലേയിൽ സ്വർണവും നേടി. അച്​ഛ​ൻെറ തണലിൽ കായികരംഗത്ത്​ പിച്ചവെച്ച ശ്രീ, പിന്നീട്​ ജംപിങ്​ പിറ്റുകളിൽ വിസ്​മയനേട്ടം കുറിച്ചു. ദേശീയ സ്​കൂൾ അത്​ലറ്റിക്​സിലും ദേശീയ ജൂനിയർ ചാമ്പ്യൻഷിപ്പുകളിലും ​റെക്കോഡുകൾ തിരുത്തിയെഴുതി. 2018 ജൂണിൽ ഭുവനേശ്വർ ദേശീയ ഒാപൺ ചാമ്പ്യൻഷിപ്പിൽ 8.20 മീറ്റർ ചാടിയത്​ 8.19 മീറ്റർ എന്ന അങ്കിത്​ ശർമയുടെ ദേശീയ റെക്കോഡ്​ തകർത്താണ്​​. ഇതോടെയാണ്​​ ദേശീയ കായികതാര പദവിയിലേക്കുള്ള വളർച്ച. 2018ൽ ജപ്പാനിലെ ഗിഫുവിൽ ഏഷ്യൻ ജൂനിയർ അത്​ലറ്റിക്​സ്​ ചാമ്പ്യൻഷിപ്പിൽ 7.47 മീറ്റർ ചാടി വെങ്കലം സ്വന്തമാക്കി. 2018 മാർച്ചിൽ പട്യാല ഫെഡറേഷൻ കപ്പിൽ 7.99 മീറ്റർ ചാടി കോമൺവെൽത്ത്​ ഗെയിംസിനുള്ള ഇന്ത്യൻ ടീമിൽ ഇടം നേടിയെങ്കിലും അപ്പെൻഡിസൈറ്റിസ്​ ബാധിതനായതാടെ ഗെയിംസിൽനിന്ന്​ പിന്മാറി. 2018ല ജക്കാർത്ത ഏഷ്യൻ ഗെയിംസിൽ ആറാം സ്ഥാനത്ത്​. 2018ലെ ഫിൻലൻഡ്​ ലോക ജൂനിയൻ അത്​ലറ്റിക്​സ്​ ഫൈനലിൽ 7.75 മീറ്റർ ചാടി ആറാം സ്ഥാനത്ത് എത്തി. ലോക അത്​ലറ്റിക്​സ്​ ലോങ്​ജംപ്​ റാങ്കിങ്ങിൽ 38ാം സ്ഥാനത്താണ്​ ശ്രീശങ്കർ. ഒളിമ്പിക്​സ്​ ലക്ഷ്യമിട്ടുള്ള ​പ്രയാണത്തിനിടെ എൻജിനീയറിങ്​ പഠനം ഉപേക്ഷിക്കേണ്ടിവന്ന ശ്രീശങ്കർ, ഇപ്പോൾ പാലക്കാട്​ ഗവ. വിക്​ടോറിയ കോളജിൽ ബി.എസ്​സി അവസാന വർഷ വിദ്യാർഥിയാണ്​. പട്യാലയിലെ ദേശീയ സീനിയർ മീറ്റിന്​ ശേഷം ഇപ്പോൾ ബംഗളൂരുവിലെ സായ്​ സൻെററിൽ ​കോച്ചിങ്​ ക്യാമ്പിലാണ്​. ഇൗമാസം 23നാണ്​ ഒളിമ്പിക്സിനുള്ള ഇന്ത്യൻ അത്​ലറ്റിക്​സ്​ ടീം ടോക്യോവിലേക്ക്​ തിരിക്കുന്നത്​. 31നാണ്​ ശ്രീശങ്കറി​ൻെറ യോഗ്യത മത്സരം. ആഗസ്​റ്റ്​ രണ്ടിന്​ ഫൈനൽ നടക്കും. പേഴ്​സണൽ കോച്ചായി അച്​ഛൻ മുരളിയും ഒളിമ്പിക്​സ്​ ടീമി​നോടൊപ്പമുണ്ട്​. p3 sree ശ്രീശങ്കർ പാലക്കാട്​ സിന്തറ്റിക്​ ട്രാക്കിൽ പരിശീലനത്തിൽ (ഫയൽചിത്രം)