കൊപ്പം-തിരുവേഗപ്പുറ റോഡ് നവീകരണം തുടങ്ങി

പട്ടാമ്പി: കൊപ്പം-തിരുവേഗപ്പുറ റോഡ് നവീകരണം ആരംഭിച്ചു. ആദ്യഘട്ടത്തിൽ തിരുവേഗപ്പുറ ചെക്ക്പോസ്​റ്റിനു സമീപം സ്ഥിരമായി വെള്ളക്കെട്ട്​ ഉണ്ടാവുന്ന ഭാഗം ഉയർത്തി ഇൻറർലോക്ക്​ ചെയ്യുന്ന പ്രവൃത്തിയാണ് തുടങ്ങിയത്. ഇരുവശത്തും ഒാവുചാൽ നിർമാണവും ഇതോടൊപ്പം നടക്കും. പൊതുമരാമത്ത് വകുപ്പി​ൻെറ എസ്.എൽ.ടി.എഫ് പദ്ധതിയിൽ ഉൾപ്പെടുത്തിയാണ് 25 ലക്ഷം രൂപ ​െചലവിൽ പ്രവൃത്തി നടത്തുന്നത്. മുഹമ്മദ് മുഹസിൻ എം.എൽ.എ, പൊതുമരാമത്ത് റോഡ് വിഭാഗം അസി. എൻജിനീയർ ബാബുരാജ് ജനപ്രതിനിധികൾ എന്നിവർ സ്ഥലം സന്ദർശിച്ച് നവീകരണം വിലയിരുത്തി. മഴ നിൽക്കുന്നതോടെ കൊപ്പം മുതൽ തിരുവേഗപ്പുറ വരെയുള്ള റോഡ് പൂർണമായും റബറൈസ് ചെയ്യുമെന്ന്​ മുഹമ്മദ് മുഹ്​സിൻ എം.എൽ.എ അറിയിച്ചു. ഇതിനായി 3.75 കോടി രൂപ അനുവദിച്ചു. ചിത്രം ptb 121 തിരുവേഗപ്പുറ റോഡ് നവീകരണം മുഹമ്മദ് മുഹ്സിൻ എം.എൽ.എ സന്ദർശിക്കുന്നു