മണ്ണാർക്കാട് റൂറൽ ബാങ്കിന് രണ്ട് അവാർഡ്​

മണ്ണാർക്കാട്: സംസ്ഥാനതലത്തിൽ മികച്ച പ്രവർത്തനങ്ങൾ നടത്തിയ സംഘങ്ങൾക്കുള്ള രണ്ട് സംസ്ഥാന സർക്കാർ അവാർഡ്​ മണ്ണാർക്കാട് റൂറൽ സർവിസ് സഹകരണ ബാങ്ക് കരസ്ഥമാക്കി. മികച്ച പ്രവർത്തനം നടത്തുന്ന പ്രാഥമിക കാർഷിക വായ്പ സംഘത്തിനുള്ള അവാർഡും കോവിഡ് പരിശോധന കേന്ദ്രം നടത്തിപ്പ്​ ഉൾ​െപ്പടെയുള്ള മാതൃക പ്രവർത്തനങ്ങൾക്കുമുള്ള അവാർഡാണ് ലഭിച്ചത്. തിരുവനന്തപുരത്ത് സഹകരണ മന്ത്രി വി.എൻ. വാസവൻ ഉദ്​ഘാടനം ചെയ്ത ചടങ്ങിൽ സഹകരണ വകുപ്പ് സെക്രട്ടറി മിനി ആൻറണിയാണ് അവാർഡുകൾ പ്രഖ്യാപിച്ചത്. ഗതാഗത മന്ത്രി ആൻറണി രാജു, സഹകരണ സംഘം രജിസ്ട്രാർ പി.ബി. നൂഹ്, വി.പി. ജോയ് എം.എൽ.എ, സഹകരണ യൂനിയൻ ചെയർമാൻ കോലിയക്കോട് കൃഷ്ണൻ നായർ എന്നിവർ പങ്കെടുത്തു.