നെല്ലിയാമ്പതിക്കാർക്ക് വാക്സിൻ മുൻഗണന നൽകണമെന്നാവശ്യം

നെല്ലിയാമ്പതി: വിനോദസഞ്ചാര കേന്ദ്രമായ നെല്ലിയാമ്പതിയിൽ താമസിക്കുന്നവർക്ക് വാക്സിൻ വിതരണത്തിൽ മുൻഗണന നൽകണമെന്ന് ആവശ്യം. കൈകാട്ടിയിലെ വാക്സിൻ വിതരണ കേന്ദ്രത്തിൽ അടുത്തുള്ള പഞ്ചായത്തിൽ താമസിക്കുന്നവരും വന്ന് വാക്സിൻ സ്വീകരിക്കുന്നുവെന്ന് നാട്ടുകാർ പരാതിപ്പെട്ടിരുന്നു. ആധാർ കാർഡിലെ വിലാസത്തി​ൻെറ അടിസ്ഥാനത്തിൽ നെല്ലിയാമ്പതിക്കാർക്ക് വാക്സിൻ നൽകാനുള്ള നടപടി അധികൃതർ കൈക്കൊള്ളണമെന്നാണ് ഇവരുടെ ആവശ്യം. അർഹരായ പലർക്കും വാക്​സിൻ കിട്ടാത്ത സ്ഥിതിയാണെന്നും അവർ പറഞ്ഞു.