കരിമ്പുഴ പുഴ മാലിന്യ നിക്ഷേപം:കർശന നടപടിക്കൊരുങ്ങി ഗ്രാമ പഞ്ചായത്ത്

ശ്രീകൃഷ്ണപുരം: കരിമ്പുഴ പുഴയിൽ മാലിന്യം നിക്ഷേപിക്കുന്നതു തടയാൻ പൊലീസി​ൻെറ സഹായത്തോടെ ശക്തമായ നടപടികൾ സ്വീകരിക്കുമെന്ന് ശ്രീകൃഷ്ണപുരം ഗ്രാമപഞ്ചായത്ത് പ്രസിഡൻറ്​ സി. രാജിക. ഈ വർഷത്തെ വാർഷിക പദ്ധതിയിൽ ഉൾപ്പെടുത്തി സി.സി ടി.വി സ്ഥാപിക്കുന്നതിനു തുക വകയിരുത്തിയിട്ടുണ്ട്. സംസ്ഥാന സർക്കാറി​ൻെറ പദ്ധതികൾ കൂടി പ്രയോജനപ്പെടുത്തി പുഴ സംരക്ഷണത്തിന് ഇടപെടൽ നടത്തുമെന്നും പ്രസിഡൻറ്​ സി. രാജിക പറഞ്ഞു. കർഷക സമരത്തിന് ഐക്യദാർഢ്യം ശ്രീകൃഷ്ണപുരം: കർഷകരുടെ ദേശീയ സമരത്തിന് ഐക്യദാർഢ്യം പ്രഖ്യാപിച്ച്​ എ.ഐ.എ.ഡബ്ല്യു.യു ആഹ്വാനം ചെയ്ത കരിദിനാചരണം ശ്രീകൃഷ്ണപുരം ഏരിയയിൽ 52 കേന്ദ്രങ്ങളിൽ നടന്നു. പൊതു ഇടങ്ങളിലും വീട്ടുമുറ്റങ്ങളിലുമായി നടന്ന സമരത്തിന് കേരള സ്​റ്റേറ്റ് കർഷക തൊഴിലാളി യൂനിയൻ ജില്ല എക്സിക്യൂട്ടിവ് അംഗം പി. അരവിന്ദാക്ഷൻ, ഏരിയ ഭാരവാഹികളായ പി. ബാലകൃഷ്ണൻ, വി. പ്രജീഷ് കുമാർ, പി. രാമനുണ്ണി, കെ.ടി. ഉണ്ണികൃഷ്ണൻ, എം. സുകുമാരൻ, സി. ഹരിദാസൻ, ഗോപീദാസ് എന്നിവർ നേതൃത്വം നൽകി.