ഡോക്ടറുടെ കുറിപ്പാടിയില്ലാതെ മരുന്ന് നൽകരുത്

ഡോക്ടറുടെ കുറിപ്പടിയില്ലാതെ മരുന്ന് നൽകരുത് -നഗരസഭ ഒറ്റപ്പാലം: നഗരസഭ പരിധിയിലെ മെഡിക്കൽ ഷോപ്പുകളിൽനിന്ന് ഡോക്ടറുടെ കുറിപ്പടിയില്ലാതെ മരുന്നുകൾ വിതരണം നടത്തരുതെന്ന് നഗരസഭയുടെ കർശന നിർദേശം. കോവിഡ് വ്യാപനത്തിനെതിരെ പ്രതിരോധ പ്രവർത്തനങ്ങൾ ശക്തമാക്കുന്നതി​ൻെറ ഭാഗമായാണ് നിർദേശം. പനി, തലവേദന, ചുമ ജലദോഷം, ശരീരവേദന തുടങ്ങി കോവിഡ് ലക്ഷണങ്ങൾക്കെതിരായ മരുന്നുകൾ വിൽക്കാനും വാങ്ങാനുമാണ്​ വിലക്ക്. കോവിഡിനെതിരെ അപകടകരമായ രീതിയിൽ സ്വയം ചികിത്സ ശ്രദ്ധയിൽപെട്ട സാഹചര്യത്തിലാണ് തീരുമാനമെന്ന് നഗരസഭ ഉപാധ്യക്ഷൻ കെ. രാജേഷ് അറിയിച്ചു.