നെന്മാറയിൽ കർശന പരിശോധന

നെന്മാറ: ട്രിപ്ൾ ലോക്ഡൗൺ തുടരുന്ന പഞ്ചായത്തിലെ അതിർത്തിയിൽ പൊലീസ് പരിശോധന കർശനമാക്കി. അയിലൂർ പഞ്ചായത്തിലെ കയറാടി ഭാഗത്തേക്ക് ഗതാഗതം പൂർണമായും നിയന്ത്രിച്ചു. കയ്​പഞ്ചേരിയിൽനിന്ന് അയിലൂർ പഞ്ചായത്ത് പ്രദേശത്തേക്കുള്ള വഴികളും അടച്ചുകെട്ടി. നെന്മാറ പൊലീസ് ഈ ഭാഗത്ത് നിരീക്ഷണവും ആരംഭിച്ചു. ടൗണിലേക്കുള്ള എല്ലാ റോഡുകളും അടഞ്ഞുകിടക്കുകയാണ്. അവശ്യവസ്തുക്കൾ ആവശ്യക്കാർക്ക് എത്തിക്കാൻ വാർഡുതല വളൻറിയർമാർക്ക് ചുമതലയുണ്ട്. അനാവശ്യമായി വീട്ടിൽനിന്ന് പുറത്തിറങ്ങുന്നതും പൊലീസ് വിലക്കി. ഒരാഴ്ച കൂടി നിയന്ത്രണങ്ങൾ കർശനമായി തുടരുമെന്നും ഇത് രോഗവ്യാപനത്തെ തടയാൻ സഹായമാവുമെന്നുമാണ് ആരോഗ്യ പ്രവർത്തകരും പറയുന്നത്.