നെല്ലിയാമ്പതി ടൂറിസം പോയൻറുകളിൽ ജാഗ്രത

​നെല്ലിയാമ്പതി: കോവിഡ് വ്യാപകമാവുന്ന സാഹചര്യത്തിൽ ടൂറിസം പോയൻറുകളിൽ ആരോഗ്യ വകുപ്പ്​ അധികൃതരുടെ ജാഗ്രത നിർദേശം. സ്വകാര്യ എസ്​റ്റേറ്റുകളോടു ചേർന്നുള്ള ടൂറിസം പോയൻറുകളിൽ മാനദണ്ഡം ലംഘിച്ച് സന്ദർശിക്കാനെത്തുന്നവരെക്കുറിച്ച് വിവരം നൽകണമെന്ന് എസ്​റ്റേറ്റ് അധികൃതർക്ക് നിർദേശം നൽകി. കൂടാതെ വനാതിർത്തിയിലുള്ള ടൂറിസം പോയൻറുകളിൽ ജാഗ്രത പുലർത്താൻ വനം അധികൃതർക്കും നിർദേശമുണ്ട്. കർശന പരിശോധനക്ക് പാടഗിരി പൊലീസ് മുൻകൈയെടുക്കണമെന്ന് ആരോഗ്യ വകുപ്പ് ആവശ്യപ്പെട്ടു.