ദേശീയ റോളർ സ്കേറ്റിങ്​: ബാൽശ്രേയസിന് സ്വർണം; ലക്ഷ്​മിക്ക് വെള്ളി

പാലക്കാട്: റോളർ സ്കേറ്റിങ്​ ഫെഡറേഷൻ ഓഫ് ഇന്ത്യ ഛണ്ഡിഗഢിലെ മൊഹാലിയിൽ നടത്തിയ ദേശീയ കേഡറ്റ്, സബ് ജൂനിയർ, ജൂനിയർ, സീനിയർ, മാസ്​റ്റേഴ്​സ്​ റോളർ സ്കേറ്റിങ്​ ചാമ്പ്യൻ ഷിപ്പിൽ കേരളത്തിനുവേണ്ടി ബി.ജി. ബാൽശ്രേയസ്​ സ്വർണവും ലക്ഷ്‌മി എസ്. ദത്ത്​ വെള്ളിയും കരസ്ഥമാക്കി. റോളർ സ്‌കൂട്ടർ സീനിയർ, സബ്​ ജൂനിയർ വിഭാഗത്തിലാണ് ഇരുവരും മെഡൽ നേടിയത്. കോഴിക്കോട് നടന്ന സംസ്ഥാന ചാമ്പ്യൻ ഷിപ്പിൽ ഇതേ വിഭാഗത്തിൽ ഇരുവരും സ്വർണം നേടിയിരുന്നു. ആരോഗ്യ വകുപ്പ് വെക്​ടർ കൺട്രോൾ യൂനിറ്റ് ഫൈലേറിയ ഇൻസ്‌പെക്​ടർ പി.ആർ. ബാലഗോപാലിേൻറയും കനറാ ബാങ്ക് സർക്കിൾ ഓഫിസ് ഓഫിസർ എൽ. ഗീതയുടെയും മകനാണ് ബാൽശ്രേയസ്. കൃഷി അസിസ്​റ്റൻറ് ജൂലിയുടെയും ഡി. സജിയുടെയും മകളാണ് ലക്ഷ്‌മി. സ്​പീഡ് സ്കേറ്റിങ്​, റോളർ ഹോക്കി സംസ്ഥാന അമ്പയർ പി.ആർ. ബാലഗോപാൽ മുഖ്യ പരിശീലകനായിട്ടുള്ള റോളർ സ്കേറ്റിങ്​ ക്ലബിലെ അംഗങ്ങളാണ് ഇവർ. p3 skating ബി.ജി. ബാൽശ്രേയസും വെള്ളി നേടിയ ലക്ഷ്​മി എസ്. ദത്തും പരിശീലകൻ പി.ആർ. ബാലഗോപാലിനോടൊപ്പം