എൻ.സി.സി നാഷനൽ ക്യാമ്പ് ക്വിസ്: അഭിരാമിക്ക് രണ്ടാം സ്ഥാനം

പട്ടാമ്പി: മഹാരാഷ്​​ട്ര എൻ.സി.സി ഡയറക്ടറേറ്റിനു കീഴിൽ നടന്ന നാഷനൽ ഇൻറഗ്രേഷൻ ക്യാമ്പായ ഏക് ഭാരത് ശ്രേഷ്​ട ഭാരത് (ഇ.ബി.എസ്.ബി) ക്യാമ്പിൽ നടന്ന ക്വിസ് മത്സരത്തിൽ പട്ടാമ്പി ഗവ. സംസ്കൃത കോളജ് കാഡറ്റ് പി. അഭിരാമിക്ക് രണ്ടാം സ്ഥാനം. ഓൺലൈനായി നടന്ന ക്യാമ്പിൽ മഹാരാഷ്​ട്ര, കേരള ആൻഡ്​ ലക്ഷദ്വീപ് ഡയറക്ടറേറ്റുകളിൽ നിന്നായി 400 പേരാണ് പങ്കെടുത്തത്. ഈ മാസം 16ന് തുടങ്ങിയ ക്യാമ്പ് 21നാണ് സമാപിച്ചത്. ഇംഗ്ലീഷ്-ഹിസ്​റ്ററി വിഭാഗത്തിലെ രണ്ടാം വർഷ ബിരുദ വിദ്യാർഥിയാണ്​ അഭിരാമി. താനൂർ മുല്ലശ്ശേരി മോഹൻദാസി​ൻെറയും ജ്യോതിയുടേയും മകളാണ്. അഭിരാമിയെ 28 കേരള ബറ്റാലിയൻ കമാൻഡിങ്​ ഓഫിസർ കേണൽ യു.ബി. ഗുരുങ്​, പ്രിൻസിപ്പൽ ഡോ. സജി സ്​റ്റീഫൻ, എൻ.സി.സി ഓഫിസർ ക്യാപ്റ്റൻ ഡോ. പി. അബ്​ദു തുടങ്ങിയവർ അനുമോദിച്ചു. ചിത്രം: ptb 221 അഭിരാമി