കൊപ്പത്ത് കോവിഡ് പ്രതിരോധം ഊർജിതമാക്കും

പട്ടാമ്പി: കൊപ്പത്ത് കോവിഡ് പ്രതിരോധം ഊർജിതമാക്കാൻ ഗ്രാമപഞ്ചായത്ത്​ ഭരണസമിതിയുടെയും ആരോഗ്യ പ്രവർത്തകരുടെയും സംയുക്ത യോഗം തീരുമാനിച്ചു. പ്രസിഡൻറ് ഉണ്ണികൃഷ്ണൻ അധ്യക്ഷത വഹിച്ചു. വൈസ് പ്രസിഡൻറ്​ പുണ്യ സതീഷ്, സ്​റ്റാൻഡിങ്​ കമ്മിറ്റി അധ്യക്ഷർ, മെഡിക്കൽ ഓഫിസർ, സെക്ടറൽ മജിസ്ട്രേറ്റ്, ഹെൽത്ത് ഇൻസ്പെക്ടർ, അഡീഷനൽ എസ്.ഐ തുടങ്ങിയവർ പങ്കെടുത്തു. പഞ്ചായത്ത് സെക്രട്ടറി കെ.പി. ജിനചന്ദ്രൻ നന്ദി പറഞ്ഞു.