നെന്മാറ ടൗണിൽ കോവിഡ് നിയന്ത്രണം

നെന്മാറ: ടൗണിലും പരിസര പ്രദേശങ്ങളിലും കോവിഡ് രോഗികൾ വർധിച്ചു വരുന്നതി​ൻെറ പശ്ചാത്തലത്തിൽ വാഹന പരിശോധനയുമായി നെന്മാറ പൊലീസ്. മാസ്കും സാമൂഹിക അകലവും പാലിക്കാതെ വാഹനങ്ങളിൽ സഞ്ചരിക്കുന്നവർക്കെതിരെ പിഴ ചുമത്തി. ഗോവിന്ദാപുരം പാത, വിത്തനശേരി റോഡ്, അയിലൂർ റോഡ്, എം.എൽ.എ റോഡ് എന്നിവിടങ്ങളിലാണ് വാഹന പരിശോധന നടത്തുന്നത്. കോവിഡ് മാനദണ്ഡങ്ങൾ ലംഘിക്കുന്നവർക്കെതിരെ ഇനിയുള്ള ദിവസങ്ങളിൽ കേസെടുക്കുമെന്ന് നെന്മാറ പൊലീസ് അറിയിച്ചു.