പരിസ്ഥിതി ലോല ​മേഖല: മലയോര കർഷകരെ ദ്രോഹിക്കരുത്​ -സംരക്ഷണ സമിതി

പാലക്കാട്​: വനഭൂമികൾക്ക്​ ചുറ്റും പരിസ്ഥിതി ലോല ​മേഖലകൾ വിജ്​ഞാപനം ചെയ്​ത്​ മലയോര കർഷകരെ ദ്രോഹിക്കുന്ന നടപടികളിൽനിന്ന് സർക്കാർ പിൻമാറണമെന്ന്​ ജില്ല കർഷക സംരക്ഷണ സമിതി ഭാരവാഹികൾ വാർത്തസമ്മേളനത്തിൽ ആവശ്യപ്പെട്ടു.​ സൈലൻറ്​ വാലി ​േ​ദശീയ ഉദ്യാനത്തോട്​ ചേർന്ന്​ പ്രഖ്യാപിക്ക​പ്പെട്ട പരിസ്ഥിതി ദുർബല മേഖലയിൽ വലിയ തോതിൽ കൃഷിഭൂമിയും ജനവാസ കേന്ദ്രങ്ങളും ഉൾപ്പെട്ടിട്ടുണ്ട്​. സൈലൻറ്​വാലി കരട്​ വിജ്​ഞാപനത്തിൽ ഒരു മാറ്റവും വരുത്താതെ അംഗീകാരം നൽകാൻ കേരളത്തി​ൻെറ ഭാഗത്തുനിന്ന് അനുമതി നൽകിയിരിക്കുകയാണ്​. പറമ്പിക്കുളം വനവുമായി ബന്ധപ്പെട്ട്​ പ്രഖ്യാപിക്കപ്പെട്ട ​േസാണിലും നിരവധി ജനവാസ മേഖലകളുണ്ട്​. ജില്ലയിൽ 31 വി​േ​ല്ലജുകളിൽ വനനിയമങ്ങൾ നടപ്പാക്കുന്ന സാഹചര്യമാണ് നിലവിലുള്ളത്​. പൊതുജനങ്ങളുടെ ആശങ്ക അറിയിച്ചിട്ടും സർക്കാറും ജനപ്രതിനിധികളും ഒരു ഇടപെടലും നടത്താത്തത്​ പ്രതിഷേധാർഹമാണ്​. കർഷക സംരക്ഷണ സമിതി ഭാരവാഹികളായ കെ.എം. മാത്യു, ജോൺ കൈതമറ്റം, അഡ്വ. കെ.ടി. തോമസ്​, ജോസ്​ വടക്കഞ്ചേരി എന്നിവർ വാർത്തസമ്മേളനത്തിൽ പ​െങ്കടുത്തു.