ചാരിറ്റി കൂട്ടായ്മ

pew6 മണ്ണാർക്കാട്: കോട്ടോപ്പാടം കുടുംബാരോഗ്യ കേന്ദ്രത്തിലെ പാലിയേറ്റിവ് കെയറിനായി കുണ്ടളക്കാട് കൈത്താങ്ങ് അഞ്ച്​ എയർബെഡ് കൈമാറി. കോട്ടോപ്പാടം പഞ്ചായത്തിൽ 182 പേരെ പാലിയേറ്റിവിൻെറ കീഴിൽ പരിചരിക്കുന്നുണ്ട്, അതിൽ നൂറോളം പേര് സ്ഥിരം കിടപ്പ് രോഗികളാണ്. മെഡിക്കൽ ഓഫിസർ ഡോ. അബ്​ദു കല്ലടി ഉദ്​ഘാടനം ചെയ്തു. ഹെൽത്ത്‌ ഇൻസ്‌പെക്ടർ സുരേഷ് ജോർജ് വർഗീസ്, പാലിയേറ്റിവ് സിസ്​റ്റർ റഹിയാനത്ത്, കൂട്ടായ്മ പ്രസിഡൻറ്​ ലത്തീഫ് രായീൻ മരക്കാർ, ഉമ്മർ ഒറ്റകത്ത്, ട്രഷറർ കാദർ തോട്ടാശ്ശേരി, ഉനൈസ്, നാസർ, റഷീദ്, അനിൽ, അൻഷാദ്, ഷൈജു, ഹോസ്പിറ്റൽ ജീവനക്കാർ എന്നിവർ പങ്കെടുത്തു. പരുതൂര്‍ വായനശാല വായനോത്സവം ആനക്കര: പരുതൂര്‍ ലൈബ്രറി ആന്‍ഡ് റിക്രിയേഷന്‍ സെ​ൻറര്‍ ബാലവേദിയുടെ ആഭിമുഖ്യത്തില്‍ 'വളരാം നമുക്ക് വായനയിലൂടെ' എന്ന പേരില്‍ ഹൈസ്‌കൂള്‍, യു.പി വിഭാഗം കുട്ടികള്‍ക്കായി വായനോത്സവം സംഘടിപ്പിച്ചു. താലൂക്ക് ലൈബ്രറി കൗണ്‍സില്‍ അംഗം പി.ടി. രാമചന്ദ്രന്‍ ഉദ്ഘാടനം ചെയ്തു. ഗ്രാമസഭ ലക്കിടി: ലെക്കിടി പേരൂർ ഗ്രാമപഞ്ചായത്ത് പത്താം വാർഡ് ഗ്രാമസഭ ബുധനാഴ്ച വൈകീട്ട് മൂന്നിന് അകലൂർ വാരിയർ സമാജം ഹാളിൽ ചേരുമെന്ന് വാർഡംഗം ഗോവിന്ദൻ കുട്ടി അറിയിച്ചു.