കസ്​റ്റഡിയില്‍നിന്ന്​ രക്ഷപ്പെട്ട പീഡനക്കേസ് പ്രതി പിടിയിൽ

കൽപകഞ്ചേരി (മലപ്പുറം): കസ്​റ്റഡിയിൽനിന്ന്​ ഓടി രക്ഷപ്പെട്ട പീഡനക്കേസ്​ പ്രതിയെ പൊലീസ് പിടികൂടി. കരിപ്പോൾ ഒഴുക്കപറമ്പിൽ ബിജുവാണ്​ (30) വെള്ളിയാഴ്ച പൊലീസ് വൈദ്യപരിശോധനക്ക് കൊണ്ടുപോകുന്നതിനിടെ രക്ഷപ്പെട്ടത്. കൂടെ താമസിക്കുന്ന യുവതിയുടെ പരാതിയിലാണ് അറസ്​റ്റ്​. എ.എസ്.ഐയും രണ്ട് പൊലീസുകാരുമാണ്​ ഇയാളെ വൈദ്യപരിശോധനക്ക് കൊണ്ടുപോയത്. കൽപകഞ്ചേരി അങ്ങാടിയിൽ റോഡി​െല ഗട്ടറിൽ പൊലീസ് ജീപ്പ് വേഗം കുറച്ചപ്പോൾ വാഹനത്തിൽനിന്ന്​ ചാടി രക്ഷപ്പെടുകയായിരുന്നു. രഹസ്യവിവരത്തെ തുടർന്ന് കൊപ്പത്തുനിന്നാണ് പ്രതിയെ കൽപകഞ്ചേരി പൊലീസ് പിടികൂടിയത്.