ആരോഗ്യമന്ത്രി വീണാ ജോര്‍ജ് ഇന്ന് ജില്ലയില്‍

പാലക്കാട്: ജില്ലയില്‍ നിർമാണം പൂര്‍ത്തീകരിച്ച വിവിധ ആരോഗ്യ സ്ഥാപനങ്ങളുടെ ഉദ്ഘാടനം ശനിയാഴ്ച ആരോഗ്യ മന്ത്രി വീണാ ജോര്‍ജ് നിര്‍വഹിക്കും. രാവിലെ ഒമ്പതിന് തിരുമിറ്റക്കോട് പ്രാഥമികാരോഗ്യ കേന്ദ്രം, 10.30ന് ഷൊര്‍ണൂര്‍ ഐക്കണ്‍സ്, ഉച്ചക്ക്​ 12ന് പാലക്കാട് ഗവ. വനിത-ശിശു ആശുപത്രി ചില്‍ഡ്രന്‍സ് പാര്‍ക്ക്, ഉച്ചക്ക്​ 12.15ന് പാലക്കാട് ജില്ല ആശുപത്രി എന്നിവയുടെ ഉദ്ഘാടനം നിര്‍വഹിക്കും. ഉച്ചക്ക്​ 12.30ന് വിവിധ ആരോഗ്യ കേന്ദ്രങ്ങളുടെ ഉദ്ഘാടനം ജില്ല പഞ്ചായത്ത് കോണ്‍ഫറന്‍സ് ഹാളില്‍ ഓണ്‍ലൈനായി നിർവഹിക്കും. ഉച്ചക്കുശേഷം മൂന്നിന് മലമ്പുഴ കുടുംബാരോഗ്യ കേന്ദ്രം ഉദ്ഘാടനം നടക്കും. വൈകീട്ട് നാലിന്​ കഞ്ചിക്കോട് അഹല്യ എസ്.ഒ.എസ് മോഡല്‍ ഹോം സന്ദര്‍ശിക്കും. വൈകീട്ട് 5.30ന് താലൂക്ക് ആശുപത്രി ആലത്തൂര്‍ (ഡയാലിസിസ് യൂനിറ്റ് ആന്‍ഡ് ഇ.സി.ആര്‍.പി. 2 പീഡിയാട്രിക് ഐ.സി.യു) ഉദ്ഘാടനവും നിര്‍വഹിക്കും.