വ്യാപാരി ദിനാചരണം

പട്ടാമ്പി: കേരള വ്യാപാരി വ്യവസായി ഏകോപന സമിതി പട്ടാമ്പി യൂനിറ്റ്​ നേതൃത്വത്തിൽ വ്യാപാരിദിനം ആഘോഷിച്ചു. യൂനിറ്റ് പ്രസിഡന്റ് എം. സിദ്ദീഖ് പതാക ഉയർത്തി. തുടർന്ന് മേലേ പട്ടാമ്പിയിൽ ധർണ നടത്തി. പട്ടാമ്പി മണ്ഡലം വൈസ് പ്രസിഡന്‍റ്​ ഇ.പി. അബ്ദുൽ ജബ്ബാർ ഉദ്ഘാടനം ചെയ്തു. എം. സിദ്ദീഖ് അധ്യക്ഷത വഹിച്ചു. മണ്ഡലം ജനറൽ സെക്രട്ടറി കെ.പി.എ റസാഖ് മുഖ്യപ്രഭാഷണം നടത്തി. ഏകോപന സമിതി നേതാക്കളായ പി.പി. സെയ്തലവി, എം. ഷെരീഫ്, ആർ. സന്തോഷ്, വി. സുജീഷ്, യൂത്ത് വിങ്​ പ്രസിഡന്റ് കെ. ഷറഫുദ്ദീൻ, ജനറൽ സെക്രട്ടറി കെ. സനൂപ്, ട്രഷറർ പി. നൗഫൽ, ഹനീഫ എന്നിവർ സംബന്ധിച്ചു. യൂനിറ്റ് ജനറൽ സെക്രട്ടറി വി. അബ്ദുൽ സലീം സ്വാഗതം പറഞ്ഞു. വിവിധ ആവശ്യങ്ങൾ ഉന്നയിച്ച്​ പ്രധാനമന്ത്രി, കേന്ദ്ര ധനകാര്യമന്ത്രി, മുഖ്യമന്ത്രി, ധനമന്ത്രി എന്നിവർക്ക് ഇ-മെയിൽ വഴി നിവേദനം സമർപ്പിച്ചു. ഫോട്ടോ pewptb 096 വ്യാപാരി വ്യവസായി ഏകോപന സമിതി പട്ടാമ്പി യൂനിറ്റ്​ നേതൃത്വത്തിൽ ധർണ നടത്തുന്നു