അഫ്സലിന്‍റെ മൃതദേഹം ഇന്ന് നാട്ടിലെത്തിക്കും

ആലത്തൂർ: സൗദിയിലെ ജിദ്ദയിൽ ജോലിസ്ഥലത്ത് 15 ദിവസം മുമ്പ് നിര്യാതനായ അഫ്സലിന്‍റെ (29) മൃതദേഹം വ്യാഴാഴ്ച രാവിലെ നാട്ടിലെത്തിക്കും. രാവിലെ ഏഴിന് വീട്ടിലെത്തിക്കുന്ന മൃതദേഹം ആനകുത്താംപാറ ജുമാമസ്ജിദ് ഖബർസ്ഥാനിൽ ഖബറടക്കും. സൗദിയിൽ ഡ്രൈവറായിരുന്നു. തോണിപ്പാടം കുണ്ടുകാട് പള്ളിപറമ്പ് വീട്ടിൽ ആനകുത്താംപാറ ജുമാമസ്ജിദ്, മുസ്​ലിം ലീഗ് തരൂർ നിയോജക മണ്ഡലം എന്നീ കമ്മിറ്റികളുടെ പ്രസിഡന്‍റും തരൂർ ഗ്രാമപഞ്ചായത്ത് മുൻ അംഗവുമായ കെ.ഇ. മുഹമ്മദ് ഖനിയുടെ മകനാണ്. മാതാവ്: ഐഷ (തരൂർ ഗ്രാമപഞ്ചായത്ത് മുൻ അംഗം). സഹോദരിമാർ: ഷമീറ (അധ്യാപിക, കൊളറോഡ് അംഗൻവാടി), ജസീല. PEW ALTR 1 അഫ്സൽ