'ഹോപ്' ഫ്രീഡം പുരസ്കാരം നഞ്ചിയമ്മക്ക്

തിരൂർ: തിരൂർ ആസ്ഥാനമായ കല-സാംസ്കാരിക, മാധ്യമ കൂട്ടായ്മയായ ഹോപ് സ്വാതന്ത്ര്യദിന വാർഷികഭാഗമായി ഏർപ്പെടുത്തിയ ഫ്രീഡം പുരസ്കാരം ഗായിക നഞ്ചിയമ്മയക്ക് സമ്മാനിക്കുമെന്ന് സംഘാടകർ വാർത്തസമ്മേളനത്തിൽ പറഞ്ഞു. ഡോ. ആർ. രാജീവ് മോഹൻ, ഡോ. കെ.ടി. ഷംഷാദ് ഹുസൈൻ, ഡോ. ടി. സുന്ദർ രാജൻ എന്നിവരടങ്ങിയ ജൂറിയാണ് ജേതാവിനെ തിരഞ്ഞെടുത്തത്. ഈ മാസം 13ന് രാവിലെ 10ന്​ തിരൂർ നൂർ ലേക്കിൽ നടക്കുന്ന ചടങ്ങിൽ മന്ത്രി വി. അബ്ദുറഹിമാൻ പുരസ്കാരം സമ്മാനിക്കും. വാർത്തസമ്മേളനത്തിൽ സംഘാടകരായ മുൻ ജില്ല പൊലീസ് മേധാവി പി. രാജു, പി.പി. അബ്ദുറഹിമാൻ, മുജീബ് താനാളൂർ, അനിൽ കോവിലകം, സഫ്ന ഗസൽ എന്നിവർ പങ്കെടുത്തു.