വേണം, തച്ചമ്പാറയിലൊരു നടപ്പാലം

തച്ചമ്പാറ: ടൗണിൽ പ്രധാന കവലയായ സ്കൂൾ ജങ്​ഷനിൽ ഫൂട്ട്​ഓവർ ബ്രിഡ്ജ് സ്ഥാപിക്കാത്തത് യാത്രക്കാരെ വലക്കുന്നു. വാഹനത്തിരക്കേറിയ പാലക്കാട് -കോഴിക്കോട് ദേശീയപാതയടക്കം മൂന്ന് പ്രധാന പാതകൾ സംഗമിക്കുന്ന കവലയാണിത്. തച്ചമ്പാറയിലെ പ്രൈമറി മുതൽ ഹയർ സെക്കൻഡറി വരെയുള്ള രണ്ട് വിദ്യാലയങ്ങളിലായി 6000ത്തിൽ പരം വിദ്യാർഥികൾ പഠിക്കുന്നുണ്ട്. ഇവരും വഴിയാത്രക്കാരും നാല് ദിക്കുകളിൽനിന്നും വരുന്ന വാഹനങ്ങളും തൊട്ടടുത്ത സ്വകാര്യ ആശുപത്രിയിലേക്ക് വരുന്ന വാഹനങ്ങളും ഈ ജങ്​ഷനിലൂടെ കടന്നുപോകുന്നു. ദേശീയപാത വീതികൂട്ടി നവീകരിച്ചതോടെ റോഡ് മുറിച്ചുകടക്കാൻ വിദ്യാർഥികളും വഴിയാത്രക്കാരും പ്രയാസപ്പെടുകയാണ്. ദേശീയപാതയിൽ നടപ്പാലം നിർമിക്കണമെന്നാണ് ജനകീയ ആവശ്യം. പടം) KL KD Tachampara J തച്ചമ്പാറ ടൗണിൽ ദേശീയപാതയും മുതുകുർശ്ശി, മാങ്കുർശ്ശി പാതകളും സംഗമിക്കുന്ന ഭാഗം