ഊരുകളിൽ പര്യടനം നടത്തി 'പുസ്തക വണ്ടി'

പാലക്കാട്: അട്ടപ്പാടിയില കുലുക്കൂർ, അഗളി താഴെ ഊരുകളിൽ നടക്കുന്ന വിദ്യാഭ്യാസ ശാക്തീകരണ പ്രവർത്തനങ്ങൾക്ക് കരുത്തുപകർന്ന് ഫ്രറ്റേണിറ്റി മൂവ്മെന്റ് ജില്ല കമ്മിറ്റി വിദ്യാർഥികൾക്ക് പഠനോപകരണങ്ങൾ നൽകി. ഫ്രറ്റേണിറ്റി ജില്ല കമ്മിറ്റി ഓഫിസിൽനിന്നാരംഭിച്ച 'പുസ്തക വണ്ടി'യുടെ ഞായറാഴ്ചത്തെ ഫ്ലാഗ് ഓഫ് ജില്ല പ്രസിഡന്റ് ഫിറോസ് എഫ്. റഹ്മാന് പതാക കൈമാറി വെൽഫെയർ പാർട്ടി ജില്ല പ്രസിഡന്റ് പി.എസ്. അബൂഫൈസൽ നിർവഹിച്ചു. ഊരുകളിലെ എസ്.എസ്.എൽ.സി വിജയികളെ ആദരിച്ചു. ദുണ്ഡൂർ ഊരിലും പുസ്തക വണ്ടി പര്യടനം നടത്തി. ഗായത്രി, സമദ്, പുഷ്പ, മുഫീദ്, ബിന്ദു എന്നിവർ നേതൃത്വം നൽകി. മലമ്പുഴ എസ്.പി ലൈൻ കോളനിയിൽ പുസ്തക വണ്ടി തിങ്കളാഴ്ച പര്യടനം നടത്തി പഠനോപകരണ വിതരണവും എസ്.എസ്.എൽ.സി വിജയികളെ അനുമോദിക്കലും സംഘടിപ്പിച്ചു. മുസ്തഫ മലമ്പുഴ, സാബിത്, അഹമ്മദ് ഷാൻ എന്നിവർ നേതൃത്വം നൽകി. pew freternity ഫ്രറ്റേണിറ്റിയുടെ 'പുസ്തക വണ്ടി'യുടെ ഫ്ലാഗ് ഓഫ് ജില്ല പ്രസിഡന്റ് ഫിറോസ് എഫ്. റഹ്മാന് പതാക കൈമാറി വെൽഫെയർ പാർട്ടി ജില്ല പ്രസിഡന്റ് പി.എസ്. അബൂഫൈസൽ നിർവഹിക്കുന്നു