ആദിവാസി യുവതിയെ പീഡിപ്പിച്ച യുവാവ് അറസ്റ്റിൽ

മണ്ണാർക്കാട്: ആദിവാസി യുവതിയെ പീഡിപ്പിച്ച കേസിൽ യുവാവ് അറസ്റ്റിൽ. തത്തേങ്ങലം താടിക്കമാരെ വീട്ടിൽ സുജിത് എന്ന പാപ്പുവിനെയാണ്​ (25) മണ്ണാർക്കാട് ഡിവൈ.എസ്.പിയുടെ നേതൃത്വത്തിലെ പൊലീസ് സംഘം അറസ്റ്റ് ചെയ്തത്. പീഡനത്തിനിരയായ യുവതി ബന്ധുവീട്ടിൽ വിരുന്നുവന്നതായിരുന്നു. വീട്ടിൽ രണ്ടു ചെറിയ കുട്ടികളും യുവതിയും മാത്രമേ ഉണ്ടായിരുന്നുള്ളൂ. ഈ സമയം അതിക്രമിച്ചുകയറിയ യുവാവ് പീഡിപ്പിക്കുകയായിരുന്നു. ഇയാളെ അറസ്റ്റ് ചെയ്ത്​ കോടതിയിൽ ഹാജരാക്കി റിമാൻഡ് ചെയ്​തു.