കാറിൽ കടത്തിയ കഞ്ചാവ്​ പിടികൂടി

പട്ടാമ്പി: കാറിൽ കടത്തുകയായിരുന്ന 9.4 കിലോ കഞ്ചാവ്​ പിടികൂടി. കാറോടിച്ചിരുന്നയാൾ ഓടിരക്ഷപ്പെട്ടു. എക്സൈസ് കമീഷണർ സ്ക്വാഡും പട്ടാമ്പി എക്സൈസും ചേർന്ന്​ വാടാനാംകുർശ്ശി ഹൈസ്കൂളിന് സമീപം നടത്തിയ പരിശോധനക്കിടെ കാർ നിർത്താതെ കടന്നുപോവുകയായിരുന്നു. എക്സൈസ്​ പിന്തുടർന്നതോടെ കാറുപേക്ഷിച്ച്​ ഡ്രൈവർ ഓടിരക്ഷപ്പെട്ടു. സംഭവത്തിൽ കാർ കസ്റ്റഡിയിലെടുത്ത എക്സൈസ്​ കേസെടുത്തു. എക്സൈസ് കമീഷണർ സ്ക്വാഡിലെ എക്സൈസ് ഇൻസ്പെക്ടർ മുഹമ്മദ് ഷെഫീഖ്, അസി. എക്സൈസ് ഇൻസ്പെക്ടർ ടി. ഷാജുമോൻ, പട്ടാമ്പി എക്സൈസ് റേഞ്ചിലെ എക്സൈസ് ഇൻസ്പെക്ടർ പി. ഹരീഷ് എന്നിവരുടെ നേതൃത്വത്തിലായിരുന്നു പരിശോധന. ഫോട്ടോ pewptb 0013 വാടാനാംകുർശ്ശിയിൽ പിടികൂടിയ കഞ്ചാവുമായി എക്സൈസ് ഉദ്യോഗസ്ഥർ