ശ്രീനിവാസൻ വധം: ഒരാൾകൂടി പിടിയിൽ

പാലക്കാട്​: ആർ.എസ്​.എസ്​ നേതാവ്​ ശ്രീനിവാസനെ വെട്ടിക്കൊലപ്പെടുത്തിയ കേസിൽ ഒരാളെക്കൂടി അറസ്റ്റ്​ ചെയ്തു. പട്ടാമ്പി കീഴായൂർ സ്വദേശി കല്ലുവളപ്പിൽ നാസർ (46) ആണ്​ പിടിയിലായത്​. കൊലപാതക സംഘത്തിന്​ ആയുധം എത്തിച്ച കാറിന്‍റെ ഉടമസ്ഥനാണ്​ ഇയാൾ. കൊലപാതകത്തിലും ഗൂഢാലോചനയിലും വാഹനം ഒളിപ്പിച്ചതിലും ഇയാൾക്ക്​ പങ്കുണ്ടെന്ന്​ പൊലീസ്​ പറഞ്ഞു. ഇതോടെ കേസിൽ 23 പേർ അറസ്റ്റിലായി. പ്രധാന പ്രതികളിൽ മൂന്നുപേരെ കൂടി പിടികിട്ടാനുണ്ട്​.