നല്ലൂർനാട് ആശുപത്രിയിൽ അർബുദ രോഗികൾക്ക് കിടത്തിച്ചികിത്സ ഒരുങ്ങുന്നു

മാ​ന​ന്ത​വാ​ടി: ജി​ല്ല​യി​ലെ പ്ര​ധാ​ന അ​ർ​ബു​ദ ചി​കി​ത്സ കേ​ന്ദ്ര​മാ​യ ന​ല്ലൂ​ർ​നാ​ട് ട്രൈ​ബ​ൽ സ്​പെ​ഷാ​ലി​റ്റി ആ​ശു​പ​ത്രി​യി​ൽ കി​ട​ത്തിച്ചി​കി​ത്സ സൗ​ക​ര്യം ഒ​രു​ങ്ങു​ന്നു. 10 അ​ർ​ബു​ദ രോ​ഗി​ക​ളെ പ്ര​വേ​ശി​പ്പി​ക്കാ​നു​ള്ള സൗ​ക​ര്യ​ങ്ങ​ളാ​ണ് മൂ​ന്ന് മാ​സ​ത്തി​ന​കം ഏ​ർ​പ്പെ​ടു​ത്തു​ക. ഇ​തി​നാ​വ​ശ്യ​മാ​യ സി.​ടി സി​മു​ലേ​റ്റ​ർ യ​ന്ത്രം വാ​ങ്ങാ​ൻ വ​യ​നാ​ട് പാ​ക്കേ​ജി​ൽ ഉ​ൾ​പ്പെ​ടു​ത്തി ഭ​ര​ണാ​നു​മ​തി ല​ഭി​ച്ചു ക​ഴി​ഞ്ഞു.

രോ​ഗി​ക​ളു​ടെ ശ​രീ​ര​ത്തി​ലെ പോ​ഷ​കാ​ഹാ​ര​ത്തി​ന്റെ അ​ള​വ് ഉ​റ​പ്പാ​ക്കാ​നു​ള്ള ന്യു​ട്രോ​പി​നി​യ സൗ​ക​ര്യം കൂ​ടി ല​ഭ്യ​മാ​ക്കാ​നു​ള്ള ശ്ര​മ​ത്തി​ലാ​ണ് അ​ധി​കൃ​ത​ർ. കോ​വി​ഡ് കാ​ല​ത്ത് കീ​മോ​തെ​റ​പ്പി ചെ​യ്യാ​ൻ യാ​ത്രാ​സൗ​ക​ര്യം കു​റ​വാ​യ​തി​നാ​ൽ തെ​ര​ഞ്ഞെ​ടു​ക്ക​പ്പെ​ട്ട ആ​രോ​ഗ്യ കേ​ന്ദ്ര​ങ്ങ​ളി​ൽ സൗ​ക​ര്യം ഒ​രു​ക്കി​യി​രു​ന്നു. ഇ​ത് വി​പു​ല​പ്പെ​ടു​ത്തു​ന്ന​തി​ന്റെ ഭാ​ഗ​മാ​യി സം​സ്ഥാ​ന​ത്തെ 25 ആ​ശു​പ​ത്രി​ക​ളി​ൽ കീ​മോ​തെ​റ​പ്പി​ക്കു​ള്ള കൂ​ടു​ത​ൽ സൗ​ക​ര്യം ഒ​രു​ക്കാ​ൻ സ​ർ​ക്കാ​ർ തീ​രു​മാ​നി​ച്ചി​ട്ടു​ണ്ട്. വ​യ​നാ​ട്ടി​ൽ ന​ല്ലൂ​ർ​നാ​ട് ആ​ശു​പ​ത്രി​യെ​യാ​ണ് ഇ​തി​നാ​യി തെ​ര​ഞ്ഞെ​ടു​ത്തി​രി​ക്കു​ന്ന​ത്.

2021ൽ 13126 ​പേ​രാ​ണ് ഒ.​പി​യി​ൽ ചി​കി​ത്സ തേ​ടി​യ​ത്. 4746 കീ​മോ ചെ​യ്തു. 201 റേ​ഡി​യേ​ഷ​നും 360 കൊ​ബാ​ൾ​ട്ട് ചി​കി​ത്സ​യും ന​ൽ​കി. ഈ ​വ​ർ​ഷം ഇ​തു​വ​രെ 615 പേ​ർ​ക്കാ​ണ് ചി​കി​ത്സ ന​ൽ​കി​യ​ത്. കീ​മോ സൗ​ക​ര്യം വി​പു​ല​പ്പെ​ടു​ത്തു​ന്ന​തോ​ടൊ​പ്പം ഇ​വി​ടേ​ക്ക് എ​ത്താ​നു​ള്ള യാ​ത്രാ​സൗ​ക​ര്യം കൂ​ടി ഏ​ർ​പ്പെ​ടു​ത്ത​ണ​മെ​ന്നാ​ണ് രോ​ഗി​ക​ളു​ടെ ആ​വ​ശ്യം.

നി​ല​വി​ൽ ഒ​രു ആം​ബു​ല​ൻ​സ് സൗ​ക​ര്യ​മാ​ണ് രോ​ഗി​ക​ളെ എ​ത്തി​ക്കാ​ൻ ഒ​രു​ക്കി​യ​ത്.