കാറ്റും വേനല്‍ മഴയും; ചെറുകാവ് മേഖലയില്‍ വ്യാപക നാശം പ​ത്തോ​ളം വീ​ടു​ക​ള്‍ ഭാ​ഗി​ക​മാ​യി ത​ക​ര്‍ന്നു

ചെ​റു​കാ​വ്: ഞാ​യ​റാ​ഴ്ച രാ​ത്രി പെ​യ്ത ശ​ക്ത​മാ​യ വേ​ന​ല്‍ മ​ഴ​യി​ലും കാ​റ്റി​ലും ചെ​റു​കാ​വ് മേ​ഖ​ല​ക​ളി​ല്‍ വ്യാ​പ​ക​മാ​യ നാ​ശ​ന​ഷ്ടം. മ​ര​ങ്ങ​ള്‍ വീ​ണ് പ​ത്തോ​ളം വീ​ടു​ക​ള്‍ ഭാ​ഗി​ക​മാ​യി ത​ക​ര്‍ന്നു. കൃ​ഷി നാ​ശ​വും വ്യാ​പ​ക​മാ​ണ്. കൊ​ണ്ടോ​ട്ടി മേ​ഖ​ല​യി​ലും കാ​റ്റി​ലും മ​ഴ​യി​ലും കൃ​ഷി ന​ശി​ച്ചു. രാ​ത്രി എ​ട്ടോ​ടെ ആ​രം​ഭി​ച്ച മ​ഴ​ക്കൊ​പ്പം വീ​ശി​യ​ടി​ച്ച കാ​റ്റി​ല്‍ വൈ​ദ്യു​തി വി​ത​ര​ണ​വും ത​ട​സ്സ​പ്പെ​ട്ടു. തൊ​ട്ടി​യം​പാ​റ​യി​ല്‍ കോ​ഴി​ക്കോ​ട്-​പ​ല​ക്കാ​ട് ദേ​ശീ​യ​പാ​ത​ക്ക് കു​റു​കെ തെ​ങ്ങ് വീ​ണ് മ​ണി​ക്കൂ​റു​ക​ളോ​ളം ഗ​താ​ഗ​തം ത​ട​സ്സ​പ്പെ​ട്ടു.

അ​പ​ക​ട സ​മ​യം വാ​ഹ​ന​ങ്ങ​ള്‍ ക​ട​ന്നു പോ​കാ​തി​രു​ന്ന​തി​നാ​ല്‍ വ​ലി​യ ദു​ര​ന്ത​മാ​ണ് വ​ഴി മാ​റി​യ​ത്. സി​യാം​ക​ണ്ടം, ഓ​ട്ടു​പാ​റ, പെ​രി​യ​മ്പ​ലം, പു​ത്തൂ​പ്പാ​ടം, തൊ​ട്ടി​യം​പാ​റ, കു​റി​യേ​ടം, കാ​രി​പ്പു​റം ഭാ​ഗ​ങ്ങ​ളി​ലാ​ണ് വ​ൻ തോ​തി​ല്‍ നാ​ശ ന​ഷ്ട​ങ്ങ​ളു​ണ്ടാ​യ​ത്. കു​റി​യേ​ടം, ഓ​ട്ടു​പാ​റ, പെ​രി​യ​മ്പ​ലം പ്ര​ദേ​ശ​ങ്ങ​ളി​ല്‍ മ​ര​ങ്ങ​ള്‍ ക​ട​പു​ഴ​കി വീ​ണ് പ​ത്തോ​ളം വീ​ടു​ക​ള്‍ ഭാ​ഗി​ക​മാ​യി ത​ക​ര്‍ന്നു. കാ​രി​പ്പു​റം പ്ര​ദേ​ശ​ത്ത് ആ​രം​ഭി​ക്കാ​നി​രി​ക്കു​ന്ന സ്വ​കാ​ര്യ സം​രം​ഭ​ത്തി​ന്റെ നി​ർ​മാ​ണ സ്ഥ​ല​ത്ത് കൂ​ട്ടി​യി​ട്ടി​രു​ന്ന മ​ണ്ണ് മ​തി​ല്‍ ത​ക​ര്‍ന്ന് പ​ര​ന്നൊ​ഴു​കി മേ​ഖ​ല​യി​ലെ പ​ത്തി​ല​ധി​കം വീ​ടു​ക​ളി​ല്‍ ച​ളി നി​റ​ഞ്ഞു.

കാറ്റും വേനല്‍ മഴയും; ചെറുകാവ് മേഖലയില്‍ വ്യാപക നാശം പ​ത്തോ​ളം വീ​ടു​ക​ള്‍ ഭാ​ഗി​ക​മാ​യി ത​ക​ര്‍ന്നുചെ​റു​കാ​വ് പ​ഞ്ചാ​യ​ത്ത് പ​രി​ധി​യി​ല്‍ വ്യാ​പ​ക​മാ​യാ​ണ് കൃ​ഷി നാ​ശ​മു​ണ്ടാ​യ​ത്. പു​ത്തൂ​പ്പാ​ട​ത്തും സി​യാം​ക​ണ്ടം, പെ​രി​യ​മ്പ​ലം ഭാ​ഗ​ങ്ങ​ളി​ലും വ​ഴ കൃ​ഷി​യും പ​ച്ച​ക്ക​റി കൃ​ഷി​യും ന​ശി​ച്ചു. വി​ള​വെ​ടു​പ്പി​ന് പാ​ക​മാ​യ 3000 വാ​ഴ​ക​ളും കു​ല​ച്ചു തു​ട​ങ്ങി​യ 200 വാ​ഴ​ക​ളു​മാ​ണ് കാ​റ്റി​ല്‍ നി​ലം​പൊ​ത്തി​യ​ത്. നൂ​റി​ല​ധി​കം തെ​ങ്ങു​ക​ളും നൂ​റോ​ളം ക​മു​കു​ക​ളും മാ​വ്, ജാ​തി, ക​ശു​മാ​വ്, പ്ലാ​വ് തു​ട​ങ്ങി​യ​വ​യും ക​ട​പു​ഴ​കി വീ​ണു. ഒ​രു ഹെ​ക്ട​റി​ല​ധി​കം സ്ഥ​ല​ത്തെ പ​ച്ച​ക്ക​റി കൃ​ഷി​യും ന​ശി​ച്ച​താ​യി കൃ​ഷി​വ​കു​പ്പ് അ​ധി​കൃ​ത​ര്‍ അ​റി​യി​ച്ചു. ക​പ്പ കൃ​ഷി​യും വ​ന്‍തോ​തി​ല്‍ ന​ശി​ച്ചി​ട്ടു​ണ്ട്.