കാലിക്കറ്റ് സർവകലാശാലയിൽ വെബ് 3 സാങ്കേതികവിദ്യ സെമിനാർ സംഘടിപ്പിച്ചു

തേഞ്ഞിപ്പലം: കാലിക്കറ്റ് സർവകലാശാലയിൽ വെബ് 3 സാങ്കേതികവിദ്യയെക്കുറിച്ച് സെമിനാർ സംഘടിപ്പിച്ചു. 'വെബ് 3 മൈൻഡ് സ്കേപ്' എന്ന പേരിൽ എം.ഇ.എക്സ്.സി ഫൌണ്ടേഷനും ലെഡ്‌ജർ ടോക്സും സംയുക്തമായാണ് സെമിനാർ നടത്തിയത്.

എം.ഇ.എക്സ്.സി സൗത്ത് ഏഷ്യ ബിസിനസ് ഡെവലപ്പറായ അർജുൻ ഭരതൻ സെഷൻ നയിച്ചു. വെബ്3 യുടെ അടിസ്ഥാനകാര്യങ്ങളും അതിലെ തൊഴിൽസാധ്യതകളും വിശദീകരിച്ചു. ബ്ലോക്ക് ചെയിൻ സാങ്കേതികവിദ്യ, ഡി സെൻട്രലൈസേഷൻ, പിയർ ടു പിയർ സംവിധാനങ്ങൾ, എൻ എഫ് ടി, ഡിജിറ്റൽ അസെറ്റ്സ്, ഡി സെൻട്രലൈസ്ട് ഫിനാൻസ് എന്നിവയെ കുറിച്ച് വിശദീകരിച്ചു. ലെഡ്‌ജർ ടോക്സ് കോ ഫൗണ്ടർ അർജുൻ ഒടുക്കത്തിൽ പങ്കെടുത്തു.

എം.കോം, എം.ബി.എ, എം.എ ഡെവലപ്മെന്റ് സ്റ്റഡീസ് കോഴ്‌സുകളിലെ വിദ്യാർഥികൾ പങ്കെടുത്തു. ഗെയിമുകൾ, ചോദ്യോത്തരവേദി, ക്വിസ് മത്സരം എന്നിവ സെമിനാറിൻ്റെ ഭാഗമായി നടന്നു. വിജയികൾക്ക് എം.ഇ.എക്സ്.സി ഫൌണ്ടേഷൻ സ്പോൺസർ ചെയ്ത സമ്മാനങ്ങൾ നൽകി.