മൃ​ഗാ​ശു​പ​ത്രി​ക​ൾ കേ​ന്ദ്രീ​ക​രി​ച്ച് തെ​രു​വു​നാ​യ് വ​ന്ധ്യം​ക​ര​ണം; അ​ന്തി​മ തീ​രു​മാ​നം ത​ദ്ദേ​ശ സ്ഥാ​പ​ന ഭ​ര​ണ​സ​മി​തി​ക​ൾ​ക്ക്

മല​പ്പു​റം: ജി​ല്ല​യി​ൽ മൃ​ഗാ​ശു​പ​ത്രി​ക​ൾ കേ​ന്ദ്രീ​ക​രി​ച്ച് ന​ട​പ്പാ​ക്കാ​ൻ നി​ശ്ച​യി​ച്ച തെ​രു​വു​നാ​യ് വ​ന്ധ്യം​ക​ര​ണ പ​ദ്ധ​തി (എ.​ബി.​സി) ന​ട​പ്പാ​ക്കു​ന്ന​തി​ൽ അ​ത​ത് പ​രി​ധി​യി​ലെ ത​ദ്ദേ​ശ സ്ഥാ​പ​ന ഭ​ര​ണ​സ​മി​തി​ക​ൾ​ക്ക് അ​ന്തി​മ തീ​രു​മാ​ന​മെ​ടു​ക്കാം.

ജി​ല്ല പ​ഞ്ചാ​യ​ത്ത് ഓ​ഫി​സി​ൽ അ​ധ്യ​ക്ഷ എം.​കെ. റ​ഫീ​ഖ​യു​ടെ നേ​തൃ​ത്വ​ത്തി​ൽ ചേ​ർ​ന്ന സം​യു​ക്ത യോ​ഗ​ത്തി​ലാ​ണ് തീ​രു​മാ​നം. നാ​ല് ഗ്രാ​മ​പ​ഞ്ചാ​യ​ത്തി​ലും ഒ​രു ന​ഗ​ര​സ​ഭ പ​രി​ധി​യി​ലെ മൃ​ഗാ​ശു​പ​ത്രി​യി​ലു​മാ​ണ് പ്രാ​ഥ​മി​ക​മാ​യി പ​ദ്ധ​തി ന​ട​പ്പാ​ക്കാ​ൻ ജി​ല്ല മൃ​ഗ​സം​ര​ക്ഷ​ണ വ​കു​പ്പ് തീ​രു​മാ​നി​ച്ചി​രി​ക്കു​ന്ന​ത്.

ഇ​വി​ട​ങ്ങ​ളി​ൽ പ​ദ്ധ​തി ന​ട​പ്പാ​ക്കാ​ൻ ക​ഴി​യു​മോ എ​ന്ന് ആ​ലോ​ചി​ക്കാ​നാ​ണ് യോ​ഗം ചേ​ർ​ന്ന​ത്. ഇ​ക്കാ​ര്യ​ത്തി​ൽ അ​ന്തി​മ തീ​രു​മാ​ന​മെ​ടു​ക്ക​ണ​മെ​ങ്കി​ൽ അ​ത​ത് ത​ദ്ദേ​ശ ഭ​ര​ണ​സ​മി​തി​ക​ളു​ടെ അം​ഗീ​കാ​രം ല​ഭി​ക്കേ​ണ്ട​തു​ണ്ടെ​ന്ന് യോ​ഗ​ത്തി​ൽ പ​ങ്കെ​ടു​ത്ത പ്ര​ദേ​ശ​ത്തെ ത​ദ്ദേ​ശ സ്ഥാ​പ​ന അ​ധ്യ​ക്ഷ​ർ, സെ​ക്ര​ട്ട​റി​മാ​ർ, മൃ​ഗാ​ശു​പ​ത്രി ഡോ​ക്ട​ർ​മാ​ർ എ​ന്നി​വ​ർ അ​റി​യി​ച്ചു.

ഭ​ര​ണ​സ​മി​തി​ക​ളു​ടെ തീ​രു​മാ​നം​കൂ​ടി അ​നു​കൂ​ല​മാ​യാ​ൽ പ​ദ്ധ​തി​യു​മാ​യി മു​ന്നോ​ട്ടു പോ​കാ​മെ​ന്ന് ത​ദ്ദേ​ശ സ്ഥാ​പ​ന അ​ധി​കൃ​ത​ർ അ​റി​യി​ച്ചു.

ഭ​ര​ണ​സ​മി​തി​ക​ളു​ടെ അ​നു​കൂ​ല തീ​രു​മാ​നം ല​ഭി​ച്ചാ​ൽ പ​ദ്ധ​തി ആ​രം​ഭി​ക്കാ​ൻ ക​ഴി​യു​മെ​ന്ന് ജി​ല്ല മൃ​ഗ​സം​ര​ക്ഷ​ണ വ​കു​പ്പ് അ​ധി​കൃ​ത​ർ വ്യ​ക്ത​മാ​ക്കി. നേ​ര​ത്തേ നി​യ​മ​സ​ഭ മ​ണ്ഡ​ലാ​ടി​സ്ഥാ​ന​ത്തി​ൽ ആ​രം​ഭി​ക്കാ​നാ​യി​രു​ന്നു പ​ഞ്ചാ​യ​ത്ത് വ​കു​പ്പ്, മൃ​ഗ​സം​ര​ക്ഷ​ണ വ​കു​പ്പ്, എം.​എ​ൽ.​എ​മാ​ർ എ​ന്നി​വ​രു​മാ​യി ന​ട​ത്തി​യ കൂ​ടി​യാ​ലോ​ച​ന​യി​ൽ തീ​രു​മാ​നി​ച്ചി​രു​ന്ന​ത്.

എ​ന്നാ​ൽ, ഇ​ത് പ്രാ​യോ​ഗി​ക​മ​ല്ലെ​ന്ന് ക​ണ്ട​തോ​ടെ​യാ​ണ് മൃ​ഗാ​ശു​പ​ത്രി​ക​ൾ കേ​ന്ദ്രീ​ക​രി​ച്ച് ന​ട​പ്പാ​ക്കാ​ൻ മൃ​ഗ​സം​ര​ക്ഷ​ണ വ​കു​പ്പ് പ​ദ്ധ​തി ആ​വി​ഷ്ക​രി​ച്ച​ത്.

പ​ദ്ധ​തി ന​ട​പ്പാ​ക്കു​മ്പോ​ൾ ഓ​രോ പ്ര​ദേ​ശ​ത്തെ നാ​യ്ക്ക​ളു​ടെ എ​ണ്ണ​ത്തി​ന് അ​നു​സ​രി​ച്ച് ഓ​പ​റേ​ഷ​ന്‍ തി​യ​റ്റ​ര്‍, നാ​യ്ക്ക​ളെ സം​ര​ക്ഷി​ക്കു​ന്ന​തി​ന് ഷെ​ല്‍ട്ട​ര്‍, മ​റ്റ് അ​നു​ബ​ന്ധ സൗ​ക​ര്യ​ങ്ങ​ള്‍ എ​ന്നി​വ വേ​ണം.

കെ​ട്ടി​ട സൗ​ക​ര്യ​ത്തോ​ടൊ​പ്പം ഡോ​ഗ് റൂ​ളും സ്റ്റാ​ന്റേ​ഡ് ഓ​പ​റേ​റ്റി​ങ് പ്രൊ​സീ​ജ​റും (എ​സ്.​ഒ.​പി) കൂ​ടി പാ​ലി​ക്ക​ണം.

ഇ​തി​ന്റെ മാ​ന​ദ​ണ്ഡം വെ​റ്റ​റി​ന​റി സ​ര്‍ജ​ന്‍ നി​ശ്ച​യി​ച്ച് മു​ഖ്യ നി​ര്‍വ​ഹ​ണ ഏ​ജ​ന്‍സി​യാ​യ ത​ദ്ദേ​ശ സ്ഥാ​പ​ന​ത്തെ അ​റി​യി​ക്ക​ണം. നി​ര്‍മി​ക്കു​ന്ന കെ​ട്ടി​ട​ത്തി​ല്‍ ഓ​പ​റേ​ഷ​ന്‍ തി​യ​റ്റ​ര്‍, പ്രീ ​ആ​ന്‍ഡ് പോ​സ്റ്റ് ഓ​പ​റേ​ഷ​ന്‍ കെ​യ​ര്‍ യൂ​നി​റ്റ്, സി.​സി.​ടി.​വി, എ.​സി, അ​ടു​ക്ക​ള അ​ട​ക്ക​മു​ള്ള സൗ​ക​ര്യം വേ​ണം. 10 നാ​യ്ക്ക​ളു​ടെ ഓ​പ​റേ​ഷ​ന് 50 കൂ​ടു​ക​ള്‍ എ​ന്ന നി​ര​ക്കി​ലാ​ണ് ഷെ​ല്‍റ്റ​ര്‍ ഒ​രു​ക്കേ​ണ്ട​ത്.

യോ​ഗ​ത്തി​ൽ എ.​ഡി.​എം എ​ൻ.​എം. മെ​ഹ​റ​ലി, ജി​ല്ല മൃ​ഗ​സം​ര​ക്ഷ​ണ ഓ​ഫി​സ​ർ ഡോ. ​പി.​യു. അ​ബ്ദു​ൽ അ​സീ​സ് തു​ട​ങ്ങി​യ​വ​ർ പ​ങ്കെ​ടു​ത്തു.