ദേ​ശീ​യ​പാ​ത ന​വീ​ക​ര​ണം: തോട് മ​ണ്ണി​ട്ട് നി​ക​ത്തി, നീ​രൊ​ഴു​ക്ക്​ ത​ട​സ്സ​പ്പെ​ടു​മെ​ന്ന്​ ആ​ശ​ങ്ക

വേ​ങ്ങ​ര: ദേ​ശീ​യ​പാ​ത ന​വീ​ക​ര​ണ​ത്തി​ന്‍റെ ഭാ​ഗ​മാ​യി കു​റ്റൂ​ർ പാ​ട​ത്തെ വേ​ങ്ങ​ര​ത്തോ​ട്, കൈ​ത​ത്തോ​ട് എ​ന്നി​വ മ​ണ്ണി​ട്ട് നി​ക​ത്തി താ​ൽ​ക്കാ​ലി​ക റോ​ഡ് നി​ർ​മി​ക്കു​ന്ന​തി​നെ ചൊ​ല്ലി ക​ർ​ഷ​ക​രും നാ​ട്ടു​കാ​രും ആ​ശ​ങ്ക പ്ര​ക​ടി​പ്പി​ച്ച സാ​ഹ​ച​ര്യ​ത്തി​ൽ ബ്ലോ​ക്ക് പ​ഞ്ചാ​യ​ത്ത് ഭ​ര​ണ​സ​മി​തി അം​ഗ​ങ്ങ​ൾ സ്ഥ​ലം സ​ന്ദ​ർ​ശി​ച്ച്​ കാ​ര്യ​ങ്ങ​ൾ വി​ല​യി​രു​ത്തി.

പ്ര​സി​ഡ​ൻ​റ് മ​ണ്ണി​ൽ ബെ​ൻ​സീ​റ, അം​ഗ​ങ്ങ​ളാ​യ പി.​പി. സ​ഫീ​ർ ബാ​ബു, പ​റ​ങ്ങോ​ട​ത്ത് അ​സീ​സ്, പ​ഞ്ചാ​യ​ത്ത് സ്ഥി​രം​സ​മി​തി അ​ധ്യ​ക്ഷ മ​ട​പ്പ​ള്ളി അ​രി​ഫ, ബ്ലോ​ക്ക് കൃ​ഷി ഡ​യ​റ​ക്ട​ർ പ്ര​കാ​ശ് പു​ത്ത​ൻ​മ​ഠ​ത്തി​ൽ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് സ​ന്ദ​ർ​ശി​ച്ച​ത്.

എ​ൻ.​എ​ച്ച് ന​വീ​ക​ര​ണ​ത്തി​ന്‍റെ ഭാ​ഗ​മാ​യി കൂ​രി​യാ​ട് മു​ത​ൽ കൊ​ള​പ്പു​റം വ​രെ പാ​ട​ത്ത് നി​ല​വി​ലു​ള്ള പാ​ത​ക്ക് ഇ​രു​പു​റ​വു​മാ​യി 10 മീ​റ്റ​ർ വീ​തി​യി​ലും ഒ​രു കി​ലോ​മീ​റ്റ​ർ ദൂ​ര​ത്തി​ലും റോ​ഡ് നി​ർ​മാ​ണം ന​ട​ക്കു​ക​യാ​ണ്. ഇ​തി​നാ​യി വേ​ങ്ങ​ര​ത്തോ​ടി​നും കൈ​ത​ത്തോ​ടി​നും മു​ക​ളി​ൽ മ​ണ്ണി​ട്ട്​ നി​ക​ത്തു​ക​യും നീ​രൊ​ഴു​ക്ക് ത​ട​സ്സ​പ്പെ​ടാ​തി​രി​ക്കാ​ൻ ഇ​രു തോ​ട്ടി​ലും 1200 മി​ല്ലി​മീ​റ്റ​ർ വ്യാ​സ​ത്തി​ൽ കോ​ൺ​ക്രീ​റ്റ് പൈ​പ്പു​ക​ൾ സ്ഥാ​പി​ക്കു​ന്ന ജോ​ലി​ക​ളും ന​ട​ക്കു​ന്നു.

വ​ർ​ഷ​ക്കാ​ല​ത്ത് തോ​ട്ടി​ലൂ​ടെ ഒ​ഴു​കി​യെ​ത്തു​ന്ന ജ​ല​ത്തെ പു​ഴ​യി​ലേ​ക്ക് ഒ​ഴു​ക്കാ​ൻ ഈ ​പൈ​പ്പ് ഓ​ട​ക​ൾ മ​തി​യാ​വി​ല്ലെ​ന്നും അ​ങ്ങ​നെ വ​ന്നാ​ൽ നീ​രൊ​ഴു​ക്ക് ത​ട​സ്സ​പ്പെ​ട്ട് വ​ൻ​തോ​തി​ൽ ജ​ലം കെ​ട്ടി​നി​ന്ന് കൃ​ഷി നാ​ശ​ത്തി​ന് ഇ​ട​യാ​ക്കു​മെ​ന്നും ക​ർ​ഷ​ക​ർ പ​റ​യു​ന്നു. ഈ ​സാ​ഹ​ച​ര്യ​ത്തി​ൽ ക​ർ​ഷ​ക​രും പ​രി​സ​ര​വാ​സി​ക​ളും ബ്ലോ​ക്ക് പ​ഞ്ചാ​യ​ത്തി​നെ കാ​ര്യ​ങ്ങ​ൾ അ​റി​യി​ക്കു​ക​യും ത​ങ്ങ​ളു​ടെ ആ​ശ​ങ്ക പ​ങ്കു​വെ​ക്കു​ക​യും ചെ​യ്യു​ക​യാ​യി​രു​ന്നു.

ദേ​ശീ​യ​പാ​ത വി​ഭാ​ഗ​വു​മാ​യി ച​ർ​ച്ച ന​ട​ത്തി​യ​പ്പോ​ൾ അ​ടു​ത്ത മ​ഴ​ക്ക് മു​മ്പ്​ ജോ​ലി​ക​ൾ പൂ​ർ​ത്തി​യാ​ക്കി തോ​ടു​ക​ൾ പൂ​ർ​വ​സ്ഥി​തി​യി​ലാ​ക്കു​മെ​ന്ന് ഉ​റ​പ്പു ല​ഭി​ച്ച​താ​യി ബ്ലോ​ക്ക് പ​ഞ്ചാ​യ​ത്ത് അ​ധി​കൃ​ത​ർ പ​റ​ഞ്ഞു.