നിയന്ത്രണംവിട്ട കാർ വീട്ടുമതിലിൽ ഇടിച്ച് അപകടം

വേങ്ങര: ചേറൂർ അടിവാരം പെട്രോൾ പമ്പിന് സമീപത്തെ വളവിൽ നിയന്ത്രണം വിട്ട കാർ വീടിന്‍റെ മതിൽ തകർത്തു. തയ്യിൽ മുഹമ്മദിന്റെ വീടിന്റെ മതിലാണ് തകർന്നത്. കാറിൽ ഡ്രൈവർ മാത്രമെയുണ്ടായിരുന്നുള്ളു. നിസാരമായ പരിക്കുകളോടെ ഡ്രൈവർ കോട്ടാടൻ അബ്ദുറഹ്മാനെ പ്രാഥമിക ചികിത്സക്കായി ആശുപത്രിയിൽ പ്രവേശിപ്പിച്ചു.

മറ്റൊരു വാഹനത്തെ മറികടക്കുമ്പോഴാണ് അപകടം ഉണ്ടായത്.