ബഷീർദിനത്തിൽ നാരായണിയും സുഹറയും മജീദുമായി വിദ്യാർഥികൾ

വേങ്ങര: ബഷീർ ദിനത്തോടനുബന്ധിച്ച്​ വിദ്യാർഥികൾ വിർച്വൽ പ്ലാറ്റുഫോമിൽ മതിലുകളിലെ നാരായണിയായും ബാല്യകാല സഖിയിലെ സുഹറയും മജീദുമായും അരങ്ങു തകർത്തു. ഇരുമ്പുചോലഎ. യു. പി സ്കൂളിൽ നടന്ന ബഷീർ കഥാപാത്രങ്ങളുടെ പുനരാവിഷ്ക്കാരം, ബഷീർ കഥാപാത്രങ്ങളെ വരയ്ക്കൽ, ബഷീർ ക്വിസ്, എന്നീ പരിപാടികൾ ശ്രദ്ധേയമായി.

മത്സര ഇനങ്ങൾക്ക് പി, അബ്ദുൽ ലത്തീഫ്, കെ. എം ഹമീദ്, പി. ഇ നൗഷാദ്, എം. ഷഫീഖ്, കെ. ടി. അഫ്സൽ, കെ.നുസൈബ, കെ. ലബീബ വി. സലീന, കെ. കെ. മിനി എന്നിവർ നേതൃത്വം നൽകി. യു പി വിഭാഗം ക്വിസ് മത്സരത്തിൽ അഫ്രീൻ പി, മുഹമ്മദ്‌ സ്വബാഹ് പി, റിയ ഇ കെ എന്നിവർ യഥാക്രമം ഒന്ന് രണ്ട്, മൂന്ന് സ്ഥാനങ്ങൾക്ക് അർഹരായി.