വെ​ളി​യ​ങ്കോ​ട് കേ​ന്ദ്ര​മാ​യി വ​രു​ന്നു, വൈ​ദ്യു​തി സ​ബ് സ്റ്റേ​ഷ​ൻ

പൊ​ന്നാ​നി: വെ​ളി​യ​ങ്കോ​ട് കേ​ന്ദ്ര​മാ​യി വൈ​ദ്യു​തി സ​ബ് സ്റ്റേ​ഷ​ൻ നി​ർ​മി​ക്ക​ണ​മെ​ന്ന ആ​വ​ശ്യം യാ​ഥാ​ർ​ഥ്യ​ത്തി​ലേ​ക്ക്. ഇതിനായി ഭൂ​മി ഏ​റ്റെ​ടു​ക്കു​ന്ന​തി​നു​ള്ള ന​ട​പ​ടി​ക​ൾ പു​രോ​ഗ​മി​ക്കു​ന്നു. വെ​ളി​യ​ങ്കോ​ട് കേ​ന്ദ്ര​മാ​യി വൈ​ദ്യു​തി സ​ബ് സ്റ്റേ​ഷ​ൻ നി​ർ​മി​ക്ക​ണ​മെ​ന്ന ആ​വ​ശ്യ​മു​യ​ർ​ത്തി ‘മാ​ധ്യ​മം’ വാ​ർ​ത്ത പ്ര​സി​ദ്ധീ​ക​രി​ച്ചി​രു​ന്നു. ഇ​തേ​ത്തു​ട​ർ​ന്നാ​ണ് ന​ട​പ​ടി. വെ​ളി​യ​ങ്കോ​ട്ട് ഇ​തി​നാ​യി 40 സെ​ന്റ് സ്ഥ​ലം ക​ണ്ടെ​ത്തി​യെ​ങ്കി​ലും ച​തു​പ്പു​നി​ല​മാ​യ​തി​നാ​ൽ മ​റ്റൊ​രു സ്ഥ​ലം തേ​ടു​ക​യാ​ണ്. അ​തേ​സ​മ​യം ച​ങ്ങ​രം​കു​ള​ത്ത് പു​തി​യ സ​ബ് സ്റ്റേ​ഷ​നു​ള്ള ഭൂ​മി ക​ണ്ടെ​ത്തി.

സം​സ്ഥാ​ന​ത്ത് ത​ന്നെ ഏ​റ്റ​വും കൂ​ടു​ത​ൽ ജ​ന​സാ​ന്ദ്ര​ത​യു​ള്ള ന​ഗ​ര​സ​ഭ​യാ​യ പൊ​ന്നാ​നി ഉ​ൾ​പ്പെ​ടു​ന്ന ആ​റ് ഫീ​ഡ​റി​ലേ​ക്ക് വൈ​ദ്യു​തി​യെ​ത്തി​ക്കു​ന്ന പൊ​ന്നാ​നി സ​ബ്സ്റ്റേ​ഷ​ന്റെ ശേ​ഷി വ​ർ​ധി​പ്പി​ക്കു​ന്ന​തി​നാ​ണ് വെ​ളി​യ​ങ്കോ​ട് കേ​ന്ദ്ര​മാ​യി വൈ​ദ്യു​തി സ​ബ് സ്റ്റേ​ഷ​ൻ നി​ർ​മി​ക്ക​ണ​മെ​ന്ന ആ​വ​ശ്യം ഉ​യ​ർ​ന്ന​ത്.

നി​ല​വി​ൽ പൊ​ന്നാ​നി തൃ​ക്കാ​വ്, വെ​ളി​യ​ങ്കോ​ട്, പു​റ​ങ്ങ്, കോ​ട്ട​ത്ത​റ, ച​മ്ര​വ​ട്ടം ക​ട​വ് എ​ന്നീ ഫീ​ഡ​റു​ക​ളി​ലേ​ക്ക് പൊ​ന്നാ​നി​യി​ലെ 110 കെ.​വി സ​ബ് സ്റ്റേ​ഷ​നി​ൽ​നി​ന്നാ​ണ് വൈ​ദ്യു​തി വി​ത​ര​ണം. ഇ​ത് പ​ല​പ്പോ​ഴും ലോ​ഡ് താ​ങ്ങാ​ൻ ക​ഴി​യാ​ത്ത സ്ഥി​തി​യി​ലാ​ണ്. ഇ​തി​ന് പ​ക​ര​മാ​യി വെ​ളി​യ​ങ്കോ​ട് പു​തി​യ 110 കെ.​വി സ​ബ് സ്റ്റേ​ഷ​നോ, അ​ല്ലെ​ങ്കി​ൽ 33 കെ.​വി സ​ബ് സ്റ്റേ​ഷ​നോ നി​ർ​മി​ക്ക​ണ​മെ​ന്ന​താ​യി​രു​ന്നു ആ​വ​ശ്യം.

പ്ര​വൃ​ത്തി അ​വ​ലോ​ക​ന യോ​ഗം പി. ​ന​ന്ദ​കു​മാ​ർ എം.​എ​ൽ.​എ​യു​ടെ അ​ധ്യ​ക്ഷ​ത​യി​ൽ ന​ട​ന്നു. പൊ​ന്നാ​നി മ​ണ്ഡ​ല​ത്തി​ൽ അ​ഞ്ച​ര കോ​ടി രൂ​പ​യു​ടെ വൈ​ദ്യു​തി ന​വീ​ക​ര​ണ പ്ര​വൃ​ത്തി​ക​ൾ ഊ​ർ​ജി​ത​മാ​യി ന​ട​ക്കു​ന്ന​താ​യി എം.​എ​ൽ.​എ പ​റ​ഞ്ഞു. അ​ണ്ട​ർ കേ​ബി​ൾ പ്ര​വൃ​ത്തി​ക​ൾ, ട്രാ​ൻ​സ്ഫോ​മ​ർ ന​വീ​ക​ര​ണം ഉ​ൾ​പ്പെ​ടെ വി​ത​ര​ണ മേ​ഖ​ല​യി​ലെ പ്ര​വൃ​ത്തി​ക​ൾ ഈ ​മാ​സം 30ന​കം പൂ​ർ​ത്തീ​ക​രി​ക്കാ​ൻ നി​ർ​ദേ​ശം ന​ൽ​കി.

ച​ങ്ങ​രം​കു​ള​ത്ത് ഏ​ഴ​ര കി​ലോ​മീ​റ്റ​റും പൊ​ന്നാ​നി ന​ഗ​ര​സ​ഭ പ​രി​ധി​യി​ൽ അ​ഞ്ച് കി​ലോ​മീ​റ്റ​റും ദൂ​ര​ത്തി​ലാ​ണ് അ​ണ്ട​ർ കേ​ബി​ൾ ​പ്രവൃത്തികസഅ​ൾ ന​ട​ക്കു​ന്ന​ത്. കൂ​ടാ​തെ ച​ങ്ങ​രം​കു​ള​ത്തും വെ​ളി​യ​ങ്കോ​ടും പു​തി​യ സ​ബ് സ്റ്റേ​ഷ​ൻ നി​ർ​മി​ക്കാ​നു​ള്ള ഭൂ​മി ഏ​റ്റെ​ടു​ക്ക​ൽ ന​ട​പ​ടി​ക​ളും പു​രോ​ഗ​മി​ക്കു​ക​യാ​ണ്. പൊ​ന്നാ​നി ബീ​ച്ചി​ലും ക​ർ​മ്മ റോ​ഡി​ലും വൈ​ദ്യു​തീ​ക​ര​ണ പ്ര​വൃ​ത്തി​ക​ളും ന​ട​ക്കു​ന്ന​താ​യി എം.​എ​ൽ.​എ പ​റ​ഞ്ഞു.