Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightMalappuramchevron_rightVandoorchevron_rightദുൽഖറിന്‍റെ...

ദുൽഖറിന്‍റെ 'സല്യൂട്ടി'ൽ തിളങ്ങി നാസർ മാസ്റ്റർ

text_fields
bookmark_border
Nasser Master shines in Dulquars Salute
cancel
camera_alt

‘സ​ല്യൂ​ട്ടി’​ൽ ദു​ൽ​ഖ​ർ സ​ൽ​മാ​നൊ​പ്പം നാ​സ​ർ മാ​സ്റ്റ​ർ

വണ്ടൂർ: ദുൽഖർ സൽമാൻ നായകനായി റോഷൻ ആൻഡ്രൂസ് സംവിധാനം ചെയ്ത 'സല്യൂട്ടി'ൽ മികച്ച വേഷം ചെയ്യാനായതിന്‍റെ സന്തോഷത്തിലാണ് വണ്ടൂർ സ്വദേശി മുക്കണ്ണൻ അബ്ദുൽ നാസർ എന്ന നാസർ കറുത്തേനി. ഒ.ടി.ടി പ്ലാറ്റ്ഫോമായ സോണി ലീവിൽ റിലീസ് ചെയ്ത ഈ ക്രൈം ഇൻവെസ്റ്റിഗേഷൻ ത്രില്ലർ പതിവ് സമവാക്യങ്ങളിൽനിന്ന് മാറി സഞ്ചരിക്കുന്ന ചിത്രമാണെന്ന് ഇദ്ദേഹം പറയുന്നു.

വണ്ടൂർ ഗേൾസ് സ്കൂളിൽ എൽ.പി വിഭാഗം അറബിക് അധ്യാപകനായ നാസർ സൂപ്പർ താരങ്ങൾക്കൊപ്പം അഭിനയിച്ചത് സ്കൂളിൽ പോലും പലർക്കുമറിയില്ല. KL 10, സുഡാനി ഫ്രം നൈജീരിയ, ഹലാൽ ലൗ സ്റ്റോറി, കുരുതി തുടങ്ങിയ ചിത്രങ്ങളിലെ പ്രകടനം കണ്ടാണ് കൂടുതൽ അവസരങ്ങളെത്തുന്നത്. സല്യൂട്ടിലെ ദുൽഖർ സൽമാനുമൊത്തുള്ള രംഗങ്ങൾ തിരുവനന്തപുരം ആയിരംവല്ലിയിൽ വച്ചാണ് ചിത്രീകരിച്ചത്.

തെരുവുനാടകങ്ങളിലൂടെയാണ് അഭിനയ രംഗത്ത് സജീവമായത്. തുടർന്ന് സലാം കൊടിയത്തൂരിന്‍റെ ഹോം സിനിമകളിൽ സജീവമായി. സുരേഷ് ഗോപി ചിത്രമായ പാപ്പനിൽ സ്കൂൾ തുറന്ന ഉടനെയാണ് അവസരമെത്തിയത് എന്നതിനാൽ ഒഴിവാക്കേണ്ടി വന്നതായും നാസർ മാഷ് പറഞ്ഞു. പൃഥ്വിരാജിനൊപ്പമാണ് അടുത്ത ചിത്രം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:filmdulquar salmansalute
News Summary - Nassar Master shines in Dulquar's 'Salute'
Next Story