കാർ വൈദ്യുതി തൂണിലിടിച്ച് അപകടം

വണ്ടൂർ: നിയന്ത്രണംവിട്ട കാർ വൈദ്യുതി തൂണിലിടിച്ച് അപകടം. ശനിയാഴ്ച രാവിലെ ആറിന് വാണിയമ്പലം കറുത്തേനിക്ക് സമീപത്തെ വളവിലാണ് അപകടം.

കാളികാവ് ഭാഗത്തുനിന്ന് പോകുകയായിരുന്ന കാറാണ് നിയന്ത്രണംവിട്ട് വൈദ്യുതി തൂണിലിടിച്ചത്. ഇടിയുടെ ആഘാതത്തിൽ 11 കെ.വി ലൈൻ തകർന്ന് കാറിന് മുകളിൽ വീണു.

ഈ സമയം വൈദ്യുതി ഉണ്ടായിരുന്നെങ്കിലും കാർ യാത്രക്കാരായ രണ്ടുപേരും അത്ഭുതകരമായി രക്ഷപ്പെടുകയായിരുന്നു.