അ​ധി​കൃ​ത​ർ വാ​തി​ൽ കൊ​ട്ടി​യ​ട​ച്ചു; ദു​രി​ത​ക്കൂ​ര​യി​ൽ​നി​ന്ന്​ മോ​ച​ന​മി​ല്ലാ​തെ ഇ​ബ്രാ​ഹീ​മും കു​ടും​ബ​വും

വ​ണ്ടൂ​ർ: ത​ല​ക്കു മു​ക​ളി​ൽ ഉ​റ​പ്പു​ള്ള ഒ​രു മേ​ൽ​ക്കൂ​ര​ക്കാ​യി വ​ണ്ടൂ​ർ പു​ല്ലു​പ​റ​മ്പ് കോ​ള​നി​യി​ലെ 61കാ​ര​ൻ മു​ട്ടാ​ത്ത വാ​തി​ലു​ക​ളി​ല്ല. മേ​ത്ത​പ്പ​ള്ളി ഇ​ബ്രാ​ഹീ​മും ഭാ​ര്യ ഫാ​ത്തി​മ​യും ഭാ​ര്യാ​മാ​താ​വ് ബി​യ്യാ​ത്തു​മ്മ​യു​മ​ട​ങ്ങു​ന്ന കു​ടും​ബ​മാ​ണ് എ​തു നി​മി​ഷ​വും നി​ലം​പൊ​ത്തു​മെ​ന്ന അ​വ​സ്ഥ​യി​ലു​ള്ള കൂ​ര​യി​ൽ ക​ഴി​യു​ന്ന​ത്.

40 വ​ർ​ഷം മു​മ്പാ​ണ് ഇ​ബ്രാ​ഹി​മും ഭാ​ര്യ ഫാ​ത്തി​മ​യും പ​ഞ്ചാ​യ​ത്ത് 13ാം വാ​ർ​ഡ് പു​ല്ലു​പ​റ​മ്പ് കോ​ള​നി​യി​ൽ പ​ഴ​യൊ​രു വീ​ട​ട​ക്കം നാ​ല് സെൻറ് സ്ഥ​ലം വാ​ങ്ങി​യ​ത്. 61 പി​ന്നി​ട്ട ഇ​ബ്രാ​ഹിം ഓ​ട്ടോ ഓ​ടി​ച്ച് കി​ട്ടു​ന്ന വ​രു​മാ​നം​കൊ​ണ്ടാ​ണ് കു​ടും​ബം പു​ല​ർ​ത്തി​യി​രു​ന്ന​ത്.

ര​ണ്ടു കാ​ലി​ലും ശ​സ്ത്ര​ക്രി​യ ന​ട​ത്തി​യ​തി​നാ​ൽ ഏ​റേ ബു​ദ്ധി​മു​ട്ടി​യാ​ണ് ഇ​പ്പോ​ൾ ഓ​ട്ടോ ഓ​ടി​ക്കു​ന്ന​ത്. ഇ​ബ്രാ​ഹി​മി​നും ഫാ​ത്തി​മ​ക്കും മ​ക്ക​ളി​ല്ല. ഫാ​ത്തി​മ​യും ശാ​രീ​രി​ക അ​സ്വ​സ്ഥ​ത​ക​ളാ​ൽ ബു​ദ്ധി​മു​ട്ടി​ലാ​ണ്. ന​ല്ലൊ​രു തു​ക മ​രു​ന്നു​ക​ൾ​ക്കു​ത​ന്നെ വേ​ണ്ട അ​വ​സ്ഥ. അ​തേ​സ​മ​യം, താ​മ​സി​ക്കു​ന്ന വീ​ട് കാ​ല​പ്പ​ഴ​ക്ക​ത്താ​ൽ ഏ​തു​നി​മി​ഷ​വും ത​ക​രു​മെ​ന്ന സ്ഥി​തി​യി​ലാ​ണ്. ചു​മ​രു​ക​ൾ നി​റ​യെ വി​ള്ള​ലു​ക​ൾ രൂ​പ​പ്പെ​ട്ടി​ട്ടു​ണ്ട്. വാ​തി​ലും ജ​ന​ലും മേ​ൽ​ക്കൂ​ര​യു​ടെ ക​ഴു​ക്കോ​ലു​ക​ളു​മെ​ല്ലാം ദ്ര​വി​ച്ച് ത​ക​ർ​ച്ച ഭീ​ഷ​ണി​യി​ലാ​ണ്.

കോ​ള​നി​യി​ൽ താ​മ​സ​മാ​ക്കി​യ​തു മു​ത​ൽ ഇ​വ​ർ പു​തി​യൊ​രു വീ​ടി​നാ​യി അ​പേ​ക്ഷ ന​ൽ​കി​യി​രു​ന്നു. വ്യ​ക്ത​മാ​യ കാ​ര​ണ​ങ്ങ​ളി​ല്ലാ​തെ ത​ങ്ങ​ളെ നി​ര​ന്ത​രം അ​ധി​കൃ​ത​ർ അ​വ​ഗ​ണി​ക്കു​ക​യാ​ണെ​ന്നാ​ണ് ഇ​വ​രു​ടെ പ​രാ​തി. ഭ​വ​ന പ​ദ്ധ​തി​ക​ളി​ൽ​നി​ന്ന് ഇ​വ​ർ പു​റ​ത്താ​യ​തി​ന്​ പ​ഞ്ചാ​യ​ത്തി​നും വ്യ​ക്ത​മാ​യ ഉ​ത്ത​ര​മി​ല്ല. ഭ​വ​ന പ​ദ്ധ​തി​ക​ൾ കൊ​ട്ടി​ഘോ​ഷി​ക്കു​ന്ന നാ​ട്ടി​ലാ​ണ് അ​ർ​ഹ​ത​പ്പെ​ട്ട കു​ടും​ബം വ​ർ​ഷ​ങ്ങ​ളാ​യി വീ​ടി​നാ​യി അ​ല​ഞ്ഞു ന​ട​ക്കു​ന്ന​ത്.