ഓ​ടു​ന്ന​തി​നി​ടെ വാ​നി​ന് തീ​പി​ടി​ച്ചു; ദേ​ശീ​യ​പാ​ത കാ​ക്ക​ഞ്ചേ​രി​യി​ലായിരുന്നു അപകടം

വ​ള്ളി​ക്കു​ന്ന്: ദേ​ശീ​യ​പാ​ത 66ൽ ​കാ​ക്ക​ഞ്ചേ​രി​ക്ക് സ​മീ​പം പൈ​ങ്ങോ​ട്ടൂ​ർ മാ​ട് ആ​റു​വ​രി​പ്പാ​ത​യി​ൽ ഓ​ടി​ക്കൊ​ണ്ടി​രു​ന്ന വാ​നി​ന് തീ​പി​ടി​ച്ചു. വേ​ങ്ങ​ര​യി​ലെ മ​ര​ണ വീ​ട്ടി​ലേ​ക്ക് പോ​വു​ക​യാ​യി​രു​ന്ന ഫ​റോ​ക്കി​ൽ നി​ന്നു​ള്ള ഏ​ഴം​ഗ കു​ടും​ബ​മാ​ണ് വാ​നി​ലു​ണ്ടാ​യി​രു​ന്ന​ത്. വാ​ഹ​ന​ത്തി​ന്റെ മു​ൻ​ഭാ​ഗ​ത്ത് നി​ന്നും പു​ക ഉ​യ​രു​ന്ന​ത് ശ്ര​ദ്ധ​യി​ൽ​പ്പെ​ട്ട ഡ്രൈ​വ​ർ ഉ​ട​ൻ വാ​ഹ​നം അ​രി​കു ചേ​ർ​ന്ന് നി​ർ​ത്തു​ക​യാ​യി​രു​ന്നു. വാ​ഹ​ന​ത്തി​ലു​ണ്ടാ​യി​രു​ന്ന കു​ട്ടി​ക​ള​ട​ക്ക​മു​ള്ള​വ​ർ ഉ​ട​ൻ ഇ​റ​ങ്ങി​യ​തി​നാ​ലാ​ണ് വ​ൻ ദു​ര​ന്തം ഒ​ഴി​വാ​യി. ഞാ​യ​റാ​ഴ്ച വൈ​കീ​ട്ട് നാ​ലി​നാ​യി​രു​ന്നു അ​പ​ക​ടം.

ഉ​യ​ര​പ്പാ​ത​യി​ലാ​യ​തി​നാ​ൽ നാ​ട്ടു​കാ​ർ​ക്ക് പെ​ട്ടെ​ന്ന് എ​ത്തി​പ്പെ​ടാ​ൻ സാ​ധി​ച്ചി​രു​ന്നി​ല്ല. ചെ​ട്ടി​യാ​ർ​മാ​ട് എ​ക്സി​റ്റി​ലൂ​ടെ ഓ​ടി​യെ​ത്തി​യ നാ​ട്ടു​കാ​രും പി​ന്നീ​ട് തേ​ഞ്ഞി​പ്പ​ലം പൊ​ലീ​സും എ​ത്തി​യെ​ങ്കി​ലും തീ ​അ​ണ​ക്കാ​ൻ സാ​ധി​ച്ചി​ല്ല. ശേ​ഷം മീ​ഞ്ച​ന്ത​യി​ൽ നി​ന്ന് ഫ​യ​ർ​ഫോ​ഴ്സ് സം​ഘം എ​ത്തി​യ​പ്പോ​ഴേ​ക്കും വാ​ഹ​നം ഏ​താ​ണ്ട് ക​ത്തി​യ​മ​ർ​ന്നി​രു​ന്നു.

അ​സി. സ്റ്റേ​ഷ​ൻ ഓ​ഫീ​സ​ർ ശി​ഹാ​ബു​ദ്ദീ​ൻ, സീ​നി​യ​ർ ഫ​യ​ർ ആ​ൻ​ഡ് റെ​സ്ക്യൂ ഓ​ഫി​സ​ർ ജി​ജേ​ഷ്,ഫ​യ​ർ ആ​ൻ​ഡ് റെ​സ്ക്യൂ ഓ​ഫി​സ​ർ പി. ​മ​ധു, ജോ​സ​ഫ് ബാ​ബു ,പി. ​ഡി.​ന​ന്ദ​കു​മാ​ർ , ഫ​യ​ർ ആ​ൻ​ഡ് റെ​സ്ക്യൂ ഓ​ഫി​സ​ർ ഡ്രൈ​വ​ർ അ​ജി​കു​മാ​ർ, ബി​നീ​ഷ്, വു​മ​ൺ ഫ​യ​ർ ആ​ൻ​ഡ് റെ​സ്ക്യൂ ഓ​ഫി​സ​ർ അ​തു​ല്യ സു​രേ​ന്ദ്ര​ൻ, ഐ​ശ്വ​ര്യ, ഹോം ​ഗാ​ർ​ഡ് അ​ഭി​ലാ​ഷ് എ​ന്നി​വ​രു​ടെ നേ​തൃ​ത്വ​ത്തി​ലാ​ണ് തീ​യ​ണ​ച്ച​ത്.