മു​ന്ന​റി​യി​പ്പി​ല്ലാ​തെ ഇ​രു​മ്പോ​ത്തി​ങ്ങ​ൽ പാ​ലം അ​ട​ച്ചു

വ​ള്ളി​ക്കു​ന്ന്: കൂ​ട്ടു​മൂ​ച്ചി -അ​ത്താ​ണി​ക്ക​ൽ പി.​ഡ​ബ്ല്യു.​ഡി റോ​ഡി​ലെ ഇ​രു​മ്പോ​ത്തി​ങ്ങ​ൽ പാ​ലം മു​ന്ന​റി​യി​പ്പി​ല്ലാ​തെ അ​ധി​കൃ​ത​ർ അ​ട​ച്ചു. ഇ​തോ​ടെ വി​ദ്യാ​ർ​ഥി​ക​ൾ ഉ​ൾ​പ്പെ​ടെ​യു​ള്ള നൂ​റു​ക​ണ​ക്കി​ന് യാ​ത്ര​ക്കാ​ർ ദു​രി​ത​ത്തി​ലാ​യി. ചാ​ലി​ക്ക​ൽ തോ​ടി​ന് കു​റു​കെ നി​ർ​മി​ച്ച പാ​ല​ത്തി​ന് മൂ​ന്ന് പ​തി​റ്റാ​ണ്ടി​ല​ധി​കം പ​ഴ​ക്ക​മു​ണ്ട്. പാ​ല​ത്തി​ന്റെ അ​പ​ക​ടാ​വ​സ്ഥ​യെ​ക്കു​റി​ച്ച് നേ​ര​ത്തേ ‘മാ​ധ്യ​മം’ വാ​ർ​ത്ത ന​ൽ​കി​യി​രു​ന്നു. അ​പ​ക​ടാ​വ​സ്ഥ ക​ണ്ടി​ല്ലെ​ന്ന് ന​ടി​ച്ച് റോ​ഡ് മാ​ത്രം ന​വീ​ക​ര​ണം ന​ട​ത്താ​നു​ള്ള ഒ​രു​ക്ക​ത്തി​ലാ​യി​രു​ന്നു അ​ധി​കൃ​ത​ർ.

വ​ർ​ഷ​ങ്ങ​ൾ​ക്ക് മു​മ്പു​ത​ന്നെ പാ​ല​ത്തി​ന്റെ കോ​ൺ​ക്രീ​റ്റ് അ​ട​ർ​ന്ന് ക​മ്പി​ക​ൾ തു​രു​മ്പെ​ടു​ത്ത് പു​റ​ത്തു​കാ​ണു​ന്ന നി​ല​യി​ലാ​യി​രു​ന്നു. ന​ബാ​ർ​ഡ് ഫ​ണ്ട് ഉ​പ​യോ​ഗി​ച്ചു​ള്ള റോ​ഡ് ന​വീ​ക​ര​ണ പ്ര​വൃ​ത്തി ഒ​രു വ​ർ​ഷം മു​മ്പു​ത​ന്നെ ആ​രം​ഭി​ച്ചി​രു​ന്നു. മ​ഴ പെ​യ്ത​തോ​ടെ ന​വീ​ക​ര​ണ​ത്തി​നാ​യി പാ​കി​യ മെ​റ്റ​ലു​ക​ൾ പ​ല​ഭാ​ഗ​ത്തും ഇ​ള​കി മാ​റി​യ നി​ല​യി​ലാ​ണ്.

പ​ല​ഭാ​ഗ​ത്തും കു​ഴി​ക​ളും രൂ​പ​പ്പെ​ട്ടി​രു​ന്നു. ഇ​തി​നി​ട​യി​ലാ​ണ് പു​ന​ർ നി​ർ​മി​ക്കു​ന്ന​തി​ന്റെ മു​ന്നോ​ടി​യെ​ന്ന നി​ല​യി​ൽ പാ​ലം അ​ട​ച്ച് ഗ​താ​ഗ​തം നി​രോ​ധി​ച്ച​ത്. ബ​ദ​ൽ സം​വി​ധാ​നം ഒ​രു​ക്കാ​തെ റോ​ഡ് അ​ട​ച്ച​ത് വി​ദ്യാ​ർ​ഥി​ക​ള​ട​ക്കം നി​ര​വ​ധി പേ​ർ​ക്ക് ദു​രി​ത​മാ​യി. വേ​ന​ല​വ​ധി​ക്കാ​യി സ്കൂ​ൾ അ​ട​ച്ച സ​മ​യ​ത്ത് പു​ന​ർ നി​ർ​മാ​ണം ന​ട​ത്തി​യി​രു​ന്നു​വെ​ങ്കി​ൽ കു​ട്ടി​ക​ൾ​ക്ക് ഇ​ത്ര ദു​രി​ത​മാ​വി​ല്ലാ​യി​രു​ന്നു. ഇ​തു​വ​ഴി സ​ർ​വി​സ് ന​ട​ത്തു​ന്ന മി​നി ബ​സ് ജീ​വ​ന​ക്കാ​രെ​യും ഇ​ത് ബാ​ധി​ച്ചി​ട്ടു​ണ്ട്.

പ​ര​പ്പ​ന​ങ്ങാ​ടി ഉ​ള്ള​ണം വ​ഴി കോ​ട്ട​ക്ക​ട​വ്, ഫ​റോ​ക്ക് എ​ന്നി​വി​ട​ങ്ങ​ളി​ലേ​ക്ക് നി​ര​വ​ധി ബ​സു​ക​ൾ ഓ​ടു​ന്നു​ണ്ട്. പാ​തി വ​ഴി​യി​ൽ സ​ർ​വി​സ് നി​ർ​ത്തേ​ണ്ട ഗ​തി​കേ​ടി​ലാ​ണ് ഇ​വ​രി​പ്പോ​ൾ. ക​ല​ക്ഷ​നി​ലും വ​ൻ ഇ​ടി​വാ​ണ് ഉ​ണ്ടാ​യി​ട്ടു​ള്ള​ത്. തോ​ടി​ന് കു​റു​കെ താ​ൽ​ക്കാ​ലി​ക സം​വി​ധാ​നം ഒ​രു​ക്കി പാ​ലം പു​തു​ക്കി​പ്പ​ണി​യു​ന്ന​തി​ന് പ​ക​രം പൂ​ർ​ണ​മാ​യും അ​ട​ച്ച​താ​ണ് ദു​രി​ത​മാ​യ​ത്. ഇ​രു​മ്പോ​ത്തി​ങ്ങ​ൽ കാ​ട്ടു​മൂ​ച്ചി അ​ത്താ​ണി​ക്ക​ൽ റോ​ഡി​ലൂ​ടെ സ​ഞ്ച​രി​ക്കു​ന്ന വാ​ഹ​ന​ങ്ങ​ൾ ചേ​ളാ​രി-​മാ​താ​പ്പു​ഴ റോ​ഡ്, വ​ള്ളി​ക്കു​ന്ന്-​റെ​യി​ൽ​വേ സ്റ്റേ​ഷ​ൻ റോ​ഡ്, ചേ​ളാ​രി -പ​ര​പ്പ​ന​ങ്ങാ​ടി റോ​ഡ് എ​ന്നി​വ​യി​ലൂ​ടെ തി​രി​ഞ്ഞു​പോ​ക​ണ​മെ​ന്നാ​ണ് അ​സി. എ​ൻ​ജി​നീ​യ​റു​ടെ അ​റി​യി​പ്പി​ലു​ള്ള​ത്.