ക​ട​ലു​ണ്ടി-​വ​ള്ളി​ക്കു​ന്ന് ഇ​ക്കോ ടൂ​റി​സം തുറക്കുന്നു; വിരുന്നേകാൻ ദേശാടനപക്ഷികൾ

വ​ള്ളി​ക്കു​ന്ന് (മലപ്പുറം): ജൈ​വ വൈ​വി​ധ്യം കൊ​ണ്ടും ദേ​ശാ​ട​ന​പ്പ​ക്ഷി​ക​ളെ കൊ​ണ്ടും പ്ര​കൃ​തി മ​നോ​ഹ​രി​ത​മാ​യ ക​ട​ലു​ണ്ടി -വ​ള്ളി​ക്കു​ന്ന് ക​മ്യൂ​ണി​റ്റി റി​സ​ർ​വ് മേ​ഖ​ല​യി​ലെ ഇ​ക്കോ ടൂ​റി​സ​റ്റ് കേ​ന്ദ്ര​ങ്ങ​ൾ നവംബർ 10 മു​ത​ൽ തു​റ​ന്ന് പ്ര​വ​ർ​ത്ത​നം ആ​രം​ഭി​ക്കും.

സം​സ്ഥാ​ന സ​ർ​ക്കാ​ർ നി​ർ​ദേ​ശി​ച്ച കോ​വി​ഡ് പ്രോ​ട്ടോ​കോ​ൾ പാ​ലി​ച്ചു​ള്ള എ​ല്ലാ മു​ൻ​ക​രു​ത​ലു​ക​ളും സ്വീ​ക​രി​ച്ചാ​ണ് ടൂ​റി​സ്​​റ്റ്​ തോ​ണി യാ​ത്ര​യും ഹോം ​സ്​​റ്റേ​ക​ളും പു​ന​രാ​രം​ഭി​ക്കു​ന്ന​ത്. ടൂ​റി​സ്​​റ്റ്​ കേ​ന്ദ്ര​ങ്ങ​ളി​ൽ എ​ല്ലാ​വ​രും മാ​സ്ക് ധ​രി​ക്ക​ണം, സ​ഞ്ചാ​രി​ക​ളു​ടെ ശ​രീ​രോ​ഷ്മാ​വ് പ​രി​ശോ​ധി​ക്കും, കൈ​ക​ൾ സോ​പ്പ്/​സാ​നി​റ്റെ​സ​ർ ഉ​പ​യോ​ഗി​ച്ച് അ​ണു​മു​ക്ത​മാ​ക്ക​ണം.

ഹോം ​സ്​​റ്റേ​യും ടൂ​റി​സ​ത്തി​ന് ഉ​പ​യോ​ഗി​ക്കു​ന്ന തോ​ണി​യും അ​തി​ലെ ലൈ​ഫ് ജാ​ക്ക​റ്റ് ഉ​ൾ​പ്പെ​ടെ​യു​ള്ള വ​സ്തു​ക്ക​ളും അ​ണു​മു​ക്ത​മാ​ക്ക​ണം. തോ​ണി​യി​ലെ പെ​ർ​മി​റ്റി​ൽ രേ​ഖ​പ്പെ​ടു​ത്തി​യ പ​കു​തി യാ​ത്ര​ക്കാ​രെ വെ​ച്ച് മാ​ത്ര​മേ സ​ർ​വി​സ് ന​ട​ത്താ​ൻ പാ​ടു​ള്ളൂ. ടൂ​റി​സ്​​റ്റ്​ കേ​ന്ദ്ര​ങ്ങ​ളി​ൽ എ​ത്തു​ന്ന​വ​രു​ടെ പേ​രും വി​വ​ര​ങ്ങ​ളും നി​ർ​ബ​ന്ധ​മാ​യും രേ​ഖ​പ്പെ​ടു​ത്ത​ണം.

തു​ട​ങ്ങി​യ നി​ർ​ദേ​ശ​ങ്ങ​ളും ക​മ്യൂ​ണി​റ്റി റി​സ​ർ​വ് മാ​നേ​ജ്മെൻറ്​ പു​റ​ത്തി​റ​ക്കി. ഒ​ക്ടോ​ബ​ർ മു​ത​ൽ ഏ​പ്രി​ൽ വ​രെ വി​വി​ധ ദേ​ശ​ങ്ങ​ളി​ൽ​നി​ന്ന് നി​ര​വ​ധി ദേ​ശാ​ട​ന​പ്പ​ക്ഷി​ക​ളാ​ണ് പ​ക്ഷി​സ​ങ്കേ​ത​ത്തി​ൽ എ​ത്തി​ച്ചേ​രു​ന്ന​ത്. വി​വ​ര​ങ്ങ​ൾ​ക്ക്​: 0495 2471250.