ആശ്വാസമാവേണ്ട മാവേലി സ്റ്റോറുകൾ കാലി; സ​ബ്സി​ഡി സാ​ധ​ന​ങ്ങ​ൾ പ​ല​യി​ട​ത്തും ഇ​ല്ല

വ​ളാ​ഞ്ചേ​രി: അ​രി ഉ​ൾ​പ്പെ​ടെ​യു​ള്ള സാ​ധ​ന​ങ്ങ​ൾ​ക്ക് വി​ല വ​ർ​ധി​ക്കു​മ്പോ​ഴും സാ​ധാ​ര​ണ​ക്കാ​ർ​ക്ക് ആ​ശ്വാ​സ​മാ​വേ​ണ്ട മാ​വേ​ലി സ്റ്റോ​റു​ക​ൾ പ​ല​തും കാ​ലി​യാ​യി. സി​വി​ൽ സ​പ്ലൈ​സ് കോ​ർ​പ​റേ​ഷ​ന്‍റെ തി​രൂ​ർ ഡി​പ്പോ​ക്ക് കീ​ഴി​ലെ പ​ല മാ​വേ​ലി സ്റ്റോ​റു​ക​ളി​ലും സൂ​പ്പ​ർ മാ​ർ​ക്ക​റ്റി​ലും സ​ബ്സി​ഡി​യി​ൽ ല​ഭി​ക്കു​ന്ന സാ​ധ​ന​ങ്ങ​ൾ ല​ഭ്യ​മ​ല്ല. പ്ര​തീ​ക്ഷ​യോ​ടെ എ​ത്തു​ന്ന ജ​ന​ങ്ങ​ൾ വെ​റും​കൈ​യോ​ടെ തി​രി​ച്ചു​പോ​വേ​ണ്ട അ​വ​സ്ഥ​യി​ലാ​ണ്. ഓ​ണ​ത്തി​നു​ശേ​ഷം പ​യ​റു​വ​ർ​ഗ​ങ്ങ​ൾ, അ​രി, മ​ല്ലി, മു​ള​ക് എ​ന്നി​വ കി​ട്ടാ​ക്ക​നി​യാ​ണ്.

പൊ​തു​മാ​ർ​ക്ക​റ്റി​ൽ അ​രി​ക്ക് കു​ത്ത​നെ വി​ല വ​ർ​ധി​ക്കു​ക​യും മു​ള​കി​ന് തീ​പി​ടി​ച്ച വി​ല​യും കൂ​ടി ആ​യ​തോ​ടെ സാ​ധാ​ര​ണ​ക്കാ​രു​ടെ പോ​ക്ക​റ്റ് കാ​ലി​യാ​കു​ന്ന അ​വ​സ്ഥ​യാ​ണ്. ഓ​ണ​ത്തി​ന് എ​ല്ലാ റേ​ഷ​ൻ കാ​ർ​ഡ് ഉ​ട​മ​ക​ൾ​ക്കും സൗ​ജ​ന്യ​മാ​യി കി​റ്റ് വി​ത​ര​ണം ചെ​യ്തെ​ങ്കി​ലും ഓ​രോ മാ​സ​വും സ​പ്ലൈ​കോ​യു​ടെ ഔ​ട്ട് ലെ​റ്റു​ക​ൾ വ​ഴി ഉ​പ​ഭോ​ക്താ​ക്ക​ൾ​ക്ക് ല​ഭി​ക്കേ​ണ്ട സ​ബ്സി​ഡി സാ​ധ​ന​ങ്ങ​ൾ സ​മ​യ​ത്തി​ന് എ​ത്തി​ക്കാ​ത്ത​ത് മൂ​ലം ന​ഷ്ട​മാ​വു​ന്ന​ത് സാ​ധാ​ര​ണ​ക്കാ​ർ​ക്കാ​ണ്. മാ​വേ​ലി സ്റ്റോ​റു​ക​ളി​ൽ അ​വ​ശ്യ​സാ​ധ​ന​ങ്ങ​ൾ എ​ത്തി​ച്ച് വി​ല​ക്ക​യ​റ്റം പി​ടി​ച്ചു​നി​ർ​ത്താ​നാ​വ​ശ്യ​മാ​യ അ​ടി​യ​ന്ത​ര ന​ട​പ​ടി ഉ​ണ്ടാ​ക​ണ​മെ​ന്നാ​ണ്​ ഉ​പ​ഭോ​ക്താ​ക്ക​ൾ ആ​വ​ശ്യ​പ്പെ​ടു​ന്ന​ത്.